Enn einn rekkinn

[Andri Pogo]

Er að setja saman rekka til að hafa inní hobbýherberginu mínu.
Rekkinn er fyrir tvö tvískipt búr, samtals um 340L.

Hérna eru nokkrar myndir af því sem komið er:

2x 170L búr, ætla ekki að nota boruðu götin, þarf að loka þeim:


Efnið klárt


Verið að setja saman rammana:


Notaði 2cm spónarplötur undir búrin, full þykkt en átti þetta við hendina:






Samsettur, lét þó eftir þetta stálvinkla undir rammana til öryggis:


Málaður:


Gerði 16cm bil fyrir ofan hvort búr til að vinna í því.
Ljósin skrúfast svo upp í botninn á næstu plötu fyrir ofan búrin.
Á eftir að redda þunnu frauðplasti til að setja milli búrs og spónarplötu, plöturnar eru smá óslétta. Var búinn að skera út þykkan pappa en gruna að það sé ekki nógu gott á milli. (sést á næstneðstu myndinni)
Gólfið í herberginu er mjög óslétt, á eftir að prófa tvo staði sem koma til greina fyrir rekkann og sjá hvor flöturinn er sléttari, annars lét ég litla plast-stuðtappa undir rekkann og get stillt hæðina á rekkanum aðeins ef gólfið er skakkt.

Á svo eftir á ákveða hvort ég klæði rekkann eða ekki, býst ekkert sérstaklega við því en ætla að sjá hvernig þetta kemur út þegar búrin og ljós eru komin í.

Meira seinna.

[Andri Pogo]

Verið að máta rekkann á fyrri staðnum:

[ellixx]

Se ad thu hefur valid gagnvarid ens og eg
thetta litur mjog vel ut .a ad tengja eitthvad saman? Eda bara ein hreinsidaela i hvert bur.
kvedja
ellixx ,skrifad a sima sem hefur ekki islenska stafi.

[Andri Pogo]

Nei bara ein dæla í hverju búri, ekki alveg búinn að ákveða hvernig dælur ég mun nota, jafnvel pæling hvort maður ætti að nota loftdæluknúin filterbox... kannski of lítið.

[Inga Þóran]

hlakka til að velja innihaldið í búrin hoho

[Squinchy]

Vel gert , mæli með Hang on back dælum, lang bestu dælurnar og auðvelt að þrífa

[Jakob]

hlakka til að velja innihaldið í búrin hoho

Eins gott að þú fáir að ráðskast eitthvað með þetta!

[Andri Pogo]

Leist ekki alveg nógu vel á fyrri staðinn svo ég færði það á hinn staðinn sem kom til greina, gólfið þar er mun betra en þurfti þó að stilla hæðina aðeins til að ná þessu nokkuð beinu.
Búrin verður s.s. þarna:


Fór í Flúrlampa í dag og fékk ljós yfir búrin sem ég tengdi áðan.
Þá er bara næst á dagskrá að loka götunum á bakhliðunum, mála bakhliðarnar og skella svo vatni í búrin
Á reyndar eftir að velja dælubúnað.

Hvernig ætli sé best að loka svona boruðu gati?
Kítta glerbút yfir gatið eða nota einhverskonar pípulagningarefni til að loka því? Fékk með búrunum svona gegnumtök en þau eru auðvitað opin í gegn. Ætli það sé til eitthvað álíka til að loka fyrir?

[Jakob]

Korktappi?


Þetta lítur mjög vel út hjá þér.

[Vargur]

Ég mundi bara nota glerbút til að loka götunum.

[keli]

Glerbútur er held ég sterkur leikur, en þú gætir sett tappa á gegnumtökin líka.

[Andri Pogo]

Ég á til sílikon þannig að glerbútar væru eflaust fínir, kannski ekki sérlega snyrtilegt en það skiptir svosem ekki öllu.

[Andri Pogo]

Skar niður glerbúta og límdi fyrir götin, sést aðeins í það á myndinni.
Málaði bakglerið blátt og þá var þetta bara nokkuð ready:


Er bara kominn með 2 efri búrin í notkun, illa farin Texas kerla í öðru og um 30 Black belt seiði í hinu.
Ætlaði að bæta við fiskum í neðri búrin í dag fyrir ljósmyndakeppnisverðlaunin mín en Hobbýherbergið hafði þá lokað snemma
Hafði það þó ekki svo slæmt því einhver annar var að reyna að komast inn sem hafði gert sér ferð úr Keflavík.

Texas kerlan:


Black belt seiði:


Efast um að ég klæði rekkann, þetta er ágætt bara enda inní hobbýherbergi hjá mér, set í mesta lagi glerplötur yfir búrin til að minnka uppgufun og stoppa vatn sem frussast upp útaf loftdælunum.