Búrasmíði: Burðarþol gólfplötu og parkets

[Orientalis]

Málin standa þannig að ég á 120l búr og fiskarnir í búrinu eru að vaxa uppúr því, en tegundin á víst að vera í 350l +. Ég hef hugsað mér að smíða 400l + búr og skáp undir það en þá kom stórt vandamál upp. Gólfplatan í íbúðinni er einungis 12cm sem er mjög þunn gólfplata, en íbúðin er um 50 ára gömul. Venjulegar gólfplötur eru um 20cm þykkar. Fyrir ofan gólfplötuna er þunnur sampur og parket yfir honum. Mig langar helst í búr sem er 400l + en ég þori einfaldlega ekki að ráðast í framkvæmdir fyrr en ég er búinn ganga úr skugga um að hvorki gólplatan né parketið eigi eftir að springa undan því. Það eru eflaust margir hérna sem hafa smíðað búr sem eru 350l + og gott væri að fá álit ykkar á því hvort að gólfið og parketið geti haldið þessum þunga.

[Nielsen]

parketið ætti að dreifa þunganum og ef búrið stendur uppvið vegg ætti burðarþolið í plötunni að vera meira heldur en útá gólfi.
er íbúð fyrir neðan eða kjallari/geymsla, ef það er geymsla geturu náttúrulega sett einhverja stífu undir gólfið, en annars er líka hægt að tala við verkfræðing uppá burðarþolsmat

[ulli]

Menn eru ad skella upp 1000lt burum an thess ad spa i tessu.

Er eitthvad undir golfinu? ibud eda kjallari?
Ef ekki tha tel eg eingar likur a thvi ad thad gefi sig.

[Orientalis]

Það er geymsla undir gólfinu þar sem búslóðin okkar er geymd. Þessegna má ekkert koma fyrir.

[keli]

Ef þú vilt vera öruggur þá erum við ekki rétta fólkið að tala við. Þú þarft að tala við verkfræðing sem kann að reikna burðarþol.

Annars myndi ég halda að 350l væri ekkert vandamál - meira issue þegar þú ert kominn í 700l+

[elliÖ]

þú þarft ekki að hafa neinar áhyggjur af gólfinu burðar þolið er alveg nóg ég myndi fara að hugsa um þetta við svona 1,5 - 2 tonn og þá úti á miðju gólfi þú sérð að einn svona gamall góður stofu miðsöðvar ofn er svona um 400 kíló fullur af vatni þannig að þetta ættirðu ekki að láta stoppa þig kveðja Elvar

[Squinchy]

Járnbundin plata ?, hefur hún sigið eitthvað með árunum ?

[Orientalis]

Gólfplatan er járnbundin og hefur sigið eitthvað, þó sérstaklega í stofunni, en búrið fer í herbergi þar sem platan hefur ekki sigið mikið.

[diddi]

Ættir ekki að hafa neinar áhyggjur með þetta búr ef þú myndir staðsetja það uppvið steyptan burðarvegg.

[Orientalis]

Búrið yrði í horni herbergisins, önnur hliðin myndi vera uppvið steyptan burðarvegg en bakið myndi vera upp við steyptan útvegg.

[pjakkur007]

Útveggurinn hlýtur að vera sterkari en svo. hann gæti aftur á móti verið múraður og þá er 2 - 4 cm múrhúð utan á eiangrun og þar fyrir utan steiptur útveggurinn. ég myndi ekki hafa áhyggjur af þessu ef ég væri að gera þetta. passaðu bara að undirstöðurnar undir búrinu séu sverar og dreifi álaginu vel yfir flötinn sem búrið stendur á.

[Rodor]

Þú ert að tala um ca. 400 kg. þunga, sem mér finnst ekkert til að tala um.
Spáðu í það hvort þú myndir þora að leyfa fimm áttatíu kílóa mönnum að standa á gólfinu hjá þér og ef þú þorir því láttu þá þá hoppa á gólfinu og þú munt sjá að þetta er allt í lagi.

Gólfplötur í gömlum húsum voru oft hafðar svona þunnar, væntanlega til að spara steypu. Það var ekkert endilega sama þykkt á plötum milli herbergja, það réðist af stærð herbergja.

[JG]

Eg er með 720 lítra búr á 3hæð í blokk sem var byggð árið 1971, gólvið þolir það hjá mér. Búrið stendur á parketi.

[HÞK]

Eg myndi ekkert hafa áhiggjur á að hafa þetta búr á þessu gólfi. JG væri alveg tíl í að sjá myndir af þessu búri hjá þér og íbúum þess...

[Van-Helsing]

hérna er linkur á búrið hans JG
http://www.fiskaspjall.is/viewtopic.php?t=10311