Til sölu mpanga-demansoni seiði - BÚIÐ

[Demansoni]

Til sölu mpanga-demansoni seiði til sölu
þau eru rosalega flott og vel heppnuð.Þau eru sirka 20 og misstór ekki stærri en 1,5 cm
tilboð óskast
ekkert svakalega góðar myndir

[Gudmundur]

eru þetta blönduð seiði ?

[Vargur]

Uss !! Mbuna blendingar eiga ekkert erindi í fiskabúr hjá fólki nema sem fóður.

[Demansoni]

já þetta eru blönduð seiði. Þegar orðin augnayndi, dökk með skæran kamb og munu verða prýði í hverju búri. Heilbrigð seiði (lifðu öll) sem er nú meira en má segja um suma "hreina" fiska sem eru orðnir slepjulegir og heilsulausir vegna inbreeding

Ætli fólk viti að líklega er partur af fiskum í þeirra búri í raun bara mix sem ekki finnast í náttúrunni..... og mundu líka deyja þar út því þeir eiga svo erfitt með að fjölga sér

Er ekki talsmaður blendinga en af tvennu illu þá vel ég fallegan blending fram yfir "hreinan" inbred. Því eru þessir molar ekki gefins en fara auðvitað á lítið.

Er alls ekki að segja að allt sé meira og minna úrkynjað, bara töluvert af slíkum.

[Gudmundur]

það eru vissulega fiskar í búrum sem finnast ekki í náttúrunni flest afbrigði gullfiska og gotfiska í búðum eru langt frá upprunanum, en það er engin afsökun fyrir því að blanda síkliðum saman og búa til bland þar, ein aðal ástæðan fyrir því að sumir stofnar eru orðnir ljótir hérlendis er að fólk leyfir öllum seiðum að lifa sem koma og notar ekki góða stofna í ræktun, allri ræktun fylgir sú ábyrgð að nota eingöngu fyrsta flokks fiska til undaneldis og öllum seiðum sem ekki standast kröfur verður að farga annars verða stofnarnir ljótir og laslegir

[Elma]

Alls ekki sniðugt.
Það er ekki rétt að gera þetta út af persónulegum skoðunum.
Þeir sem eru að rækta hreinræktaða fiska reyna alltaf að
bæta nýju blóði í stofninn til þess að það sé ekki of mikil skyldleikaræktun.
En fiskar hafa töluvert þol gagnvart því,
t.d voru fyrstu yellow lab sem seldir voru, undan einu pari.

Ætli fólk viti að líklega er partur af fiskum í þeirra búri í raun
bara mix sem ekki finnast í náttúrunni..... og mundu líka deyja þar út því þeir eiga svo erfitt með að fjölga sér

hvernig kemur þetta málinu við því að búa til blendinga?

Fólk er að reyna að komast hjá því að fá blendinga inn í hreina stofna hjá sér,
því undan blendingum geta komið ljótir og litlausir fiskar,
einmitt þessvegna eru fiskar að verða ljótir út af blendingum sem eru í umferð.

[einars]

Þetta er kannski ekki lengur "til sölu" þráður en ég verð að taka undir með Guðmundi, Elmu og Vargnum. Það er alveg nóg til af Malawisiklíðutegundum og alger óþarfi að blanda þeim saman. Reyndar eru til ýmsar tegundir/afbrigði í búrum sem ekki fyrirfinnast í náttúrunni og eru framræktaðir (stundum með blöndun af því að talið er en oft fæst ekki uppgefið hvernig þetta var gert) oftast til að fá fram rauða fiska t.d. Firefish og er smekksatriði hvort fólk vill hafa slíka fiska.

Vandamálið er eins og Guðmundur bendir á að það er orðið nokkuð um malawimix til sölu í verslunum hérlendis sem enginn ætti eiginlega að kaupa. Hins vegar eru líka til ágætir stofnar af ýmsum tegundum og það er hægt að rækta margar kynslóðir án mikilla kynbóta svo fremi sem góð eintök eru valin til ræktunar úr hverri kynslóð. Ég mæli því eindregið með að demansoni rækti demasoni í stað mphanga-demasoni...

kveðja,
einar

[Demansoni]

Get séð sjónarmið allra og auðvitað er slæm röksemdarfærsla að gera eitthvað sem í raun mætti segja óheppilegt og afsaka með því með vitnun í eitthvað annað sem er slæmt.
Það er hins vegar einnig sjónarmið að sumum finnst bara gaman að eiga fallega fiska, blandaða eða ekki. Þetta var ekki skipulagt hjá mér en af einhverjum ástæðum er Mpangann svona agalega hrifin af Demansoni dömunni þrátt fyrir að hafa einnig his own kind í nágrenninu
Þannig að hvað sem öllum þykir þá kem ég amk heiðarlega fram, báðir foreldrar innfluttir, seiðin koma skemmtilega vel út og ég vil gefa þeim tækifæri til að komast í hendur þeirra sem sjá þá sem prýði

(Viðbót)
Elma: Það er enginn að gera neitt útfrá persónulegum skoðunum, eigandinn er 11 ára og finnst fiskarnir sínir afar fallegir og "sem fóður" hljómar td. afar illa og olli þónokkru uppnámi. Hér hafa flestir fiskarnir verið keyptir úr sömu versluninni (vitandi að þeir eru innfluttir) einfaldlega vegna þess að inbreed er þó nokkuð vandamál. Þú nefnir Yellow lab og af þeim 3 sem við keyptum á fullu verði í ónefndri verslun eru 2 dauðir og sá sem enn lifir er hörmulegur á litinn og með einhverskonar sund- og taugavandamál.
Hef ekki orðið vör við að hér sé verið að veifa ættbókarskírteinum með hverri sölu og því finnst mér þessi harkalegu viðbrögð mjög áhugaverð. Þú getur td farið í ónefnda verslun og keypt blending á 1200 kr. án þess að hafa hugmynd um hvað liggur þar að baki, en þú hefur valið.
Ætli geti ekki allir sæst á að mestu máli skiptir að fólk sé heiðarlegt? Því ef fólk segir satt og rétt frá þá er enginn að fá neitt inn í stofninn sinn sem hann ekki vill. Þessir fiskar ættu því ekki að valda samviskusömum ræktendum miklu tjóni því ljóst er að þessir fiskar eru jú blandaðir og ég gef mér að samviskusamir ræktendur viti uppruna sinna fiska og séu ekki að nota eitthvað í sína stofna sem þeir kunna engin deili á.

Eitt er víst að frá eiganda umræddra "bastarða" eiga eftir að koma fleiri seiði (hrein Mpanga á næstunni) og hvað sem hverjum finnst þá er hægt að treysta á heiðarleika viðkomandi.

Góðar stundir

[keli]

Mér finnst ekkert að því að rækta blendinga, en ég set spurningamerki við að dreifa blendingunum áfram. Það er í raun vandamálið, því þótt þú vitir að þetta eru blendingar, þá veistu ekki hvað verður um þá þegar þeir hafa farið frá þér, og þeir sem taka við þeim halda kannski áfram (óafvitandi) að blanda við önnur afbrigði í búrunum hjá sér, og þar af leiðandi þynna út þá hreinu stofna sem eru til. Þetta gerist ekki á nokkrum mánuðum, heldur á einhverjum árum. Svo fara svona fiskar að skila sér í búðir og þá heldur boltinn áfram að rúlla og þynnir stofnana sem eru í búrum fiskaunnenda.

[Elma]

Mpangann svona agalega hrifin af Demansoni dömunni þrátt fyrir að hafa einnig his own kind í nágrenninu

auðvitað reynir hann að búa til lítil fiskabörn með sem flestum, ef hann getur.
Sérstaklega ef tegundirnar eru líkar, eins og Demasoni og Mpanga.
Það geta alltaf komið blendingar í búrum þar sem fiskum er blandað saman,
en þeir sem þekkja inn á fiskana og tegundirnar sjá strax ef það eru blendingar í hópnum,
og gerðar eru viðeigandi ráðstafanir.

Og í sambandi við þennan yellow lab sem þú keyptir,
afhverju keyptiru hann ef hann er svona hörmulegur á litinn
og með sundvandamál?
Það getur verið að greyið fiskurinn sé stíflaður?
Hvernig syndir hann?
Syndir hann með hausinn niður og virðist alltaf fljóta upp?
Það getur verið að hann hafi klesst á glerið í búrinu og synt
skringilega út af því?
og í sambandi við litinn, er hann meira hvítleitur í staðinn fyrir að
vera sítrónugulur?
Hinir Yellow lab gætu hafa dáið út af ýmsum vandamálum,
lélegt vatn, ekki nógu margir felustaðir,
einhver gæti hafa ráðist á þá og þeir veslast upp og dáið..
Síklíður eru annars mjög harðgerðar.
Bara óheppni að þessir tveir dóu hjá þér.
Alltaf leiðinlegt að missa fallega fiska.


Við erum bara að reyna að leiðbeina þér í rétta átt með þessum
athugasemdum.
þú ert bara ekki að gera neinum greiða með þessu,
það er málið. Hvorki fiskunum né fólki.

[Demansoni]

Mér finnst ekkert að því að rækta blendinga, en ég set spurningamerki við að dreifa blendingunum áfram. Það er í raun vandamálið, því þótt þú vitir að þetta eru blendingar, þá veistu ekki hvað verður um þá þegar þeir hafa farið frá þér, og þeir sem taka við þeim halda kannski áfram (óafvitandi) að blanda við önnur afbrigði í búrunum hjá sér, og þar af leiðandi þynna út þá hreinu stofna sem eru til. Þetta gerist ekki á nokkrum mánuðum, heldur á einhverjum árum. Svo fara svona fiskar að skila sér í búðir og þá heldur boltinn áfram að rúlla og þynnir stofnana sem eru í búrum fiskaunnenda.

Gaman að sjá metnaðinn sem hér ríkir. Þar sem þetta er söluþráður þá langar mig að svara þér Keli að bjóða upp á frekari rökræður og diskósjónir í umræðuhlutanum fyrir þá sem hafa áhuga