Plöntuföndur í 50 lítrum

[keli]

Ég á eldgamalt 50 lítra akvastabil búr sem ég er búinn að vera að dunda mér að koma yfir í gróðurbúr. Ég fékk plöntur í seinustu sendingu hjá Dýragarðinum, sem spruttu aldeilis ágætlega til að byrja með, sérstaklega eftir að ég setti CO2 í gang. Eftir 2-3 vikur var þó farið að hægja verulega á vextinum og þörungur farinn að taka við. Það gaf til kynna að það væri farið að skorta næringu og reddaði Sven mér með það.
Vöxturinn á plöntunum er farinn á fullt, en ég er enn að stilla mig af með næringargjöf, CO2 og vatnsskipti til að reyna að hafa stjórn á þörungi. Fyrst lenti ég í hressilegum grænum hárþörungavexti, fékk mér þá 3x SAE sem voru fljótir að vinna á því. Nú er brúnþörungur aðeins farinn að hrella mig, en hann minnkar vonandi fljótlega.

Nokkrar myndir frá því að ég byrjaði með búrið. Meiri upplýsingar um búrið fyrir neðan myndirnar

2014-04-11 Setti plöntur í búrið


2014-04-14


2014-04-22 Ágætis vöxtur og lítið af þörung so far


2014-05-15 Farið að hægja verulega á vexti vegna skorts á næringu og þörungar að taka yfir


2014-05-18


2014-05-20 Bætti 3x SAE í búrið sem slátruðu þörung frekar fljótt. Byrjaði að gefa næringu.


2014-05-27 Næring farin að kicka vel inn, en brúnþörungur að detta inn líka


2014-06-02 Góður vöxtur, kominn tími á snyrtingu, sérstaklega á HC. Brúnþörungur þó aðeins að láta fara vel um sig og anubias frekar ljótar vegna þörungs á blöðunum.


Íbúar:
2x Opal Borelli pör
3x SAE (þörungacontrol)
2x Otocinclus

Grænmeti:
Mayaca Vandellii
Cryptocoryne Möllmanii
Echinodorus Tenellus
Hemianthus Callitrichoides (HC)
Ýmiskonar þörungar

Botn:
Coop kattarsandur úr nettó

Búnaður
Lýsing: 15x 3w Cree XR-E ~6000k LED díóður sem ég festi á 4x4 U álprófíla sem mynda lok
Lítil tunnudæla af eBay
CO2 kútur með tilheyrandi

Næring:
Plantex, fosföt, nítrat eftir Estimative Index 2-3x á viku

Vatnsskipti:
Helst amk 20% á viku. Stundum meira, stundum minna.


Búrið er langt frá því að vera orðið eins og ég vil hafa það, en mér liggur ekkert á og er frekar rólegur yfir þessu ennþá. Hefði líklega verið mun lengra komið ef ég hefði byrjað að gefa næringu frá byrjun. En fyrst plönturnar tórðu næringarleysið þá er ég bara sáttur.

[RagnarI]

Flott þetta! endilega láttu vita ef þig vantar að losna við HC afleggjara

[Birkir]

Glæsileiki! Einn daginn mun ég ganga svona langt inn í plöntupælingarnar. One fine day.

[snerra]

Veistu hvar þú ert með ph ið 'Eg er búinn að vera með það hjá mér í 6,8 en miðað við að vatnið sé mjög mjúgt þá er það sennilega 2,4 mg/l sem er allt of lítið Búinn að vera að lesa mig til um svona gróðurdæmi og allstaðar er manni sagt að dæla minnst 10 sinnum vatnsmagni búrsins á tíman til þess að losna við þörung Veistu hvað þú dælir miklu ?

[RagnarI]

Eitthvað að frétta af þessu föndri?

[mundi74]

Hvað heitir þessi planta sem "teppaleggur"?

[keli]

Hvað heitir þessi planta sem "teppaleggur"?

Hemianthus Callitrichoides (HC

[mundi74]

Takk takk. Hún er alveg rosaflott. Er hún þá ekki ein af þeim sem þarf Co2 kerfi og allan pakkann til að dafna? Eða getur hún gengið svona við "venjulegar" aðstæður?

[Sibbi]

Er búrið enn í gangi?, gaman væri að sjá nýja mynd ef svo er, ég öfunda ansi oft ykkur sem hafið þessa þolinmæði, því svonalagað þarf helling af henni.

[keli]

Takk takk. Hún er alveg rosaflott. Er hún þá ekki ein af þeim sem þarf Co2 kerfi og allan pakkann til að dafna? Eða getur hún gengið svona við "venjulegar" aðstæður?

Hún nær ekki að verða að þéttu teppi nema með co2 og mikilli birtu. En hún dafnar alveg án þess, bara vex ekki jafn þétt og nálægt botninum.

Er búrið enn í gangi?, gaman væri að sjá nýja mynd ef svo er, ég öfunda ansi oft ykkur sem hafið þessa þolinmæði, því svonalagað þarf helling af henni.

Ég reif búrið niður fyrir nokkrum vikum, ég var í stanslausu veseni með grænt vatn og ætla að prófa að setja það upp með öðru undirlagi einhvertíman (þegar ég nenni...

Ég á plönturnar ennþá, er með þær í plastdollu og í góðri lýsingu (án vatns) þar sem þær dafna vel.

[Sibbi]

Já ok.