bakgrunn úr frauðplasti(hvítum kork).
Ég byrjaði á því að kaupa mér 120 lítra búr (að mig minnir). Þreif það og
keypti loftdælu, hreinsidælu og hitara í það. Fekk búrið notað á 7000kr.
Fór þvínæst í BYKO og keypti sílíkonkítti fyrir fiskabúr og fékk korkinn gefins
hjá þeim. Ég fann bara tvær dældaðar plötur og spurði hvort ég mætti
hirða þær.
Skar svo plöturnar til og límdi saman með kíttinu
Svo var farið á fullt að skera með dúkahníf, sög, rifjárni og hinu og þessu
sem var við höndina. Þetta var svolítið tímafrekt og svona eftir á séð þá
hefði verið gott að fá smá hjálp þegar maður var komin þetta langt.
Ég bjó mér svo til littla eldvörpu úr kveikjara og svitalyktareyði
og úðaði yfir listaverkið til þess að herða ysta lagið. Þá gætu fiskarnir
ekki verið að kroppa í þetta.
Ég þurfti svo að skera þetta í þrjá búta til að koma þessu í búrið.
Ég vildi líka geta falið allar dælur og hitara með þessu eins og þið sjáið hér.
Svo var bara að steypa utan á þetta og mála. Allt keypt í BYKO og
öruggt fyrir fiskabúr
Sá eiginlega pínu eftir því að hafa reynt að nota brúna litinn til að fá
einhverja skemmtilega tóna í þetta. En það skipti ekki miklu máli eins og
þið fáið að sjá hér á eftir. En allavegana þá er þetta komið ofaní búrið hér
á næstu myndum eins og þið sjáið og loftsteinninn að virka eins og í sögu.
Bútarnir 3 voru svo kíttaður beint á fiskabúrið.
En það er eitt sem ég ætti kannski að minnast á í sambandi við þetta
ævintýri. Svona búr vegur eitthvað í kringum 140kg þegar allt er tekið
til greina. Þegar maður ætlar að athuga hvort að hillan sem á að fara
undir búrið sé nógu sterkbyggð fyrir það er ekki nóg að 70kg maður
hossi sér á henni.
Svona til þess að klára þessa littlu skemmtilegu sögu þá endaði búrið og
bakgrunnurinn út í tunnu eftir þetta enda hélt það ekki miklu vatni í þessu
ásigkomulagi.
. Ég fór þvínæst í næstu verslun og fékk þar feykilega góðan díl á 150 lítra búri sem ég hef notað síðan. Þeir í búðinni voru mjög
almennilegir og gáfu mér góðan afslátt eftir að þeir fengu að heyra hvað
gerðist , þegar þeir hættu að hlægja það er að segja.
