Tómt vesen í búrinu.
Elsti senegalusinn minn, sem fagnaði eins árs búsetu afmæli fyrr í mánuðinum er dauður.
S.l. föstudag var hann allur útklóraður, ég hélt í fyrstu að hann væri eitthvað veikur en ákvað svo að þetta væri eftir nýja rót í búrinu sem hann hefði verið að troða sér undir.
En svo í morgun sá ég hvað hann skaust fram og til baka í búrinu og hreistrið undir kviðnum var blóðugt.
Ég færði hann í hvelli í 100L búr, saltaði og hækkaði hitann í 29°.
Eftir að hafa skoðað einkenni betur fór ég og keypti lyf við innvortis & útvortis bakteríusýkingum sem ég skellti svo í búrið. (Sera baktopur direct)
Þá var hann ansi langt leiddur, lá á hvolfi og andaði hægt.
Hann þraukaði í nokkra tíma en drapst svo seinnipartinn í dag.
Nú er þetta þriðji polypterusinn sem drepst hjá mér, einhverskonar bakteríusýking hefur líka verið í hinum fyrri og ég vil ekki missa fleiri.
Lima shovelnose er orðinn eitthvað slapplegur hjá mér og var ég að velta því fyrir mér að skella þessu lyfi (Sera baktopur) í allt 720L búrið til að meðhöndla ef einhverjir skildu vera veikir.
Ég er bara hálf smeikur við að setja lyf í búrið ef það skildi valda einhverju veseni en vil samt auðvitað ekki missa fleiri fiska
ég prófaði að "kryfja" Senegalusinn og get skellt inn nokkrum myndum af því ef áhugi er fyrir því. Ekkert að viti kom þó út úr því enda er ég ekki vel að mér í líffræði fiska og gerði þetta bara að gamni.