CO2 er oft mælt með því að setja lítið glerílát ofaní búrið sem í er settur vökvi sem breytir um lit eftir því hve mikið CO2 er í vatninu. Í raun er verið að mæla sýrustig litavökvans en það breytist með CO2 magni. Þetta er oft nefnt "Drop Checker" á ensku. Ef liturinn á vökvanum er grænn þá er hæfilegt magn af CO2 í vatninu eða um 30ppm. Ef liturinn er blár er of lítið og ef hann er gulur þá er hann of mikill, hættulega mikill fyrir fiskana.
Hægt er að kaupa þessi glerílát ódýrt á netinu, t.d. á eBay. Ég hafði keypt eitt á pund fyrr í sumar á eBay. Vandamálið við að nota hann var að ég þurfti sjálfur að útbúa og blanda litavökvann en það er nákvæmnisverk sem ekki verður farið út í hér.
Ég fann eftir ábendingu á Barr Report gróðurspjallinu áhugaverðan "Drop Checker" frá fyrirtæki sem kallast Cal Aqua Labs. Þeir framleiða Drop Checkera þar sem litavökvinn fylgir með rétt blandaður og það er á þeim auka hól fyrir annan litavökva. Sá litavökvi mælir ekki CO2 heldur hefur bara þann lit sem hinn vökvinn á að hafa fyrir rétt CO2 magn. Þetta er kostur þar sem mismunandi lýsing gerir það oft erfitt að dæma liti.
Ég hef nú sett Cal Aqua Labs dropchecker í búrið mitt og sé að CO2 magnið er hæfilegt enda sami litur á báðum hólfum. Gerjunin (með heimagerðri blöndu) skilar greinilega ágætu magni af CO2 í 125L búr.
Læt fylgja með nokkrar myndir af fyrirbærinu.
