Hvítt vatn, vond lykt og slímugt gler

[Ásta]

Ég er að berjast við þetta í frontósubúrinu hjá mér þessa dagana, þ.e. mér finnst vatnið vera hvítt, það er óþægileg lykt og glerið er aðeins slímugt að innan.
Ég varð vör við þetta í seinustu viku og gerði þá góð vatnsskipti og nú viku seinna er þetta orðið svona aftur.. eða var áðan, ég er búin að skipta um vatn.

Hvaða meðferð ætti ég að beita til að losna við þetta?

[Hrafnkell]

Er einhver ástæða til að ætla að bakteríuflóran í filternum hafi skaðast? Hefur eitthvað breyst í fóðurgjöf (aukið magn t.d.) eða fiskafjölda og þar með álagi á filterinn og flóruna?

Sömu spurninga má spyrja um botnmölina.

[gudrungd]

Er hvítt vatn ekki oft vegna of mikils sólarljóss? þetta var að byrja hjá mér í vor þegar fór að koma meiri sól og það lagaðist þegar ég passaði að draga alltaf fyrir þegar ég fór í vinnuna. Tek fram að það skín ekki beint á búrið, bara birtir í stofunni. Las þá að til að losna við þetta væri hægt að myrkva búrið í nokkra daga.

[Ásta]

Það hafa engar breytingar orðið í búrinu, hvorki á fjölda fiska, fóðrun eða möl svo ég get útilokað það strax.

Ég hef heyrt þetta með þörunginn, en kemur þessi lykt með honum og slímið?

[Hrafnkell]

Minnir lyktin á eitthvað? Er þetta eins og fúl egg/prump? Ef svo er, þá vantar súrefni í botnlagið og rotnunin þar er orðin loftfyrrð.

Hvítt vatn segir að eitthvað sé í vatninu sem dreifir því ljósi sem í gegnum það fer, þe agnir. Trúlegast er að þessar agnir séu einhverjar örverur, t.d. bakteríur, þörungur eða aðrar frumstæðar vatnalífverur. Annar möguleiki er að þú sért með gamalt plastblóm/skreytingu í búrinu sem er farið að leka út mýkingarefnum. Það myndi þó ekki skýra lyktina en mikill örverublómi gæti gert það.

Slímið er bakteríur eða þörungur myndi ég halda.

Er dauður fiskur bak við stein að rotna?

Botninn er vel hreinsaður reglulega geri ég ráð fyrir?

Er þetta gróðri vaxið búr?

Hefurðu mælt nitrit og nitrat t.d. með strimli nýlega (þó þessi strimilpróf séu ansi ónákvæm).

Bara meiri og meiri vatnsskipti þar til þetta hverfur eða þú áttar þig á þessu held ég (þar sagði ég ekkert sem þú ekki vissir fyrir

[Rodor]

Ég leyfi mér að halda því fram að UVC ljós sé málið.
Þau draga allavega úr vexti á þörungagróðri, örverum, bakteríum ofl.
Flest sem fer framhjá þessum ljósum á réttum rennslishraða drepst.
Ég hef einu sinni opnað hylkið utan um ljósið eftir nokkurra mánaða notkun. Ég hélt að það væri komin svona brún slikja innan í það eins og er á slöngunni sem kemur frá því. En það var tandurhreint!

[Ásta]

Eftir símtal við góðan og fróðan mann er ég nokkuð viss um að þetta er bakteríusýking.
Ég ætla að salta aðeins og fylgist svo með þróuninni, skipti um vatn aftur ef með þarf.

Eru þessi UVC ljós þá ekki líka að drepa það sem gott er í búrinu, flóruna o.þ.h?

[Rodor]

Eru þessi UVC ljós þá ekki líka að drepa það sem gott er í búrinu, flóruna o.þ.h?

Ég bjóst við þessari spurningu. Og svarið er nei. Það drepur lífverur en ekki alla flóruna.
Góðu bakteríurnar vinna sína vinnu í dælunni og hafa þar mikið yfirborð til þess að fjölga sér og þar brjóta þær niður skaðleg efni. Og auðvitað drepur ljósið þær bakteríur sem fara fram hjá því og spyr ekki hvort þær gera gott eða vont, en það drepur aldrei það sem er inni í dælunni eða búrinu. Flóran lifir áfram! Ljósið drepur bara það sem það skín á, sem verður þá bara dautt lífrænt efni, sem fer út í búrið. Búrið verður áfram með sína bakteríuflóru svo og dælan. Ljósið er bara á einum litlum stað í hringrás vatnsins, sennilega kemst vatnið í hylkinu fyrir í kaffibolla.

Mér skilst að þeir í Dýragarðinum séu með svona ljós á öllum sínum búrum. Tékkaðu á því hjá þeim hvort þetta er gott.

[hlb]

Hér er alveg svakalega fín grein um uvc sem ég fann á google

http://www.americanaquariumproducts.com ... ation.html

[Rodor]

Hér er alveg svakalega fín grein um uvc sem ég fann á google

http://www.americanaquariumproducts.com ... ation.html

Fyndið
Ég var einmitt að gúgla núna og fann það sama og ætlaði að senda hingað.

Hér er útdráttur úr greininni.

Ultra violet sterilization is one of the most effective means of disease prevention in aquariums and ponds and for general water quality control in aquariums and ponds.

[Hrafnkell]

Þótt greinin sé ábyggilega fín er rétt að minna á að hún er birt á vef aðilla sem hefur hag af því að sannfæra fólk um ágæti þessara græja og selja þau.

[Rodor]

Þótt greinin sé ábyggilega fín er rétt að minna á að hún er birt á vef aðilla sem hefur hag af því að sannfæra fólk um ágæti þessara græja og selja þau.

Ég hef stundum verið að hugsa um hver er hagur söluaðila.

Það er kannski meiri hagur af því að benda fólki á lyfin heldur en ljósin!

[Ásta]

Guð blessi ykkur drengir mínir, takk fyrir hjálpina