720 lítra Monsterbúr

[Andri Pogo]

Pinnis félagarnir Retropinnis og Ornatipinnis

[Andri Pogo]

þegar bakteríuvesen virðist vera að lagast komu bara önnur leiðindi í staðinn en vonandi ekki jafn alvarleg.
Pangasiusinn er kominn með hvítblettaveiki en þetta er í fyrsta sinn sem veikin kemur upp í þessu búri.
Ég hef nú svosem bara verið þakklátur fyrir það, þessir pangasius eru mestu hvítblettaveikisseglar sem ég veit um.
Þar sem polypterusarnir eru viðkvæmir fyrir ýmsum lyfjum þá vil ég reyna að komast hjá lyfjagjöf.
Ég gerði því 50% vatnsskipti, hækkaði hitann í 28°, setti lofstút á aðra tunnudæluna og skellti 1kg af salti í.
Svo aftur á móti eru plönturnar viðkvæmar fyrir salti þannig að ég tók slatta af þeim og kom fyrir í 130L búrinu á meðan ég reyni að losna við hvítblettaveikina.

[Arnarl]

UV Unitið ætti að sjá um þetta fljóit lega mundi samt hækka hitann smá
Þegar Þessi veiki kom hjá mér um daginn(var búinn að vera með slökkt á ljósinu í soldinn tíma) þá setti ég það í gang hækkaði hitann um 2 gráður og setti salt sem var nóg fyrir 250 lítra og þetta var farið eftir 2 daga

[Toni]

eru hvítir blettir þá á fisknum ef hann er með hvítblettaveiki ???

veit að þetta er heimskuleg spurning en fínt að vita hvernig er best að fylgjast með hvort þetta komi nokkuð fyirr hjá manni.

[Andri Pogo]

já svona eins og það hafi verið stráð fínu salti yfir fiskinn.
Fínar upplýsingar um sjúkdóminn efst í Aðstoð

smellti einni (lélegri) mynd af pangasius til að sýna þér:


við nánari athugun á fiskum áðan eru nokkrir blettir á Tigernum og Ropefish

[Bob]

Drasl. leiðinlegt að fá þessa pest í búrin. veit það mjööög vel. En gæti þó verið skárra en það sem þú ert búinn að vera að glima við ... eða svona...

Vona að þú losnir við þetta sem fyrst

[Jakob]

Helvítis Fokking Fokk

[Andri Pogo]

þær gerast ekki mikið stærri palmas polli kerlurnar

[Jakob]

Rosaleg er hún stór og falleg, fyrir utan augað reyndar

[kiddicool98]

hvað er hun margir cm?

[Andri Pogo]

ég er bara ekki viss, ég skal mæla hana fljótlega og ath það

[Andri Pogo]

26cm

[Andri Pogo]

nú lét ég 1000gr af salti í búrið í fyrradag, 500gr til viðbótar í gær og önnur 500gr í dag.
Það gera um 3gr af salti á hvern lítra. Er það ekki bara passlegt?
Hvernær ættu blettirnir að fara að hverfa, ég sé ekki neinn sjáanleg mun á Pangasiusinum enn. Spurning hvort ég ætti að bíða rólegur eða salta meira, hef (sem betur fer) ekki mikla reynslu af hvítblettaveiki.

[Arnarl]

Þetta ætti að fara fljótlega, er ekki góður straumur á Uv unitinu?

[Andri Pogo]

bara einsog venjulega, ekki mikill, þetta er um 500L/klst ef ég man rétt

[keli]

3kg/l er einmitt fínt - það er ríflegur skammtur en ekkert of mikið. Ég hef venjulega losnað alveg við hvítblettaveiki í trúðabótíum á 1-2 sólarhringum með þessu magni. Þú gætir farið uppí 4gr/l ef þú ert stressaður, ég veit þó ekki 100% hvernig polyarnir taka í það.

[Andri Pogo]

jæja þessi hvítblettaveiki virðist fara minnkandi, það sést amk mun minna á pangasiusinum.
Svo var ég víst að fatta það að ég fjarlægði margar plöntur áður en ég saltaði, en hvítblettaveikin getur víst ferðast með plönunum áfram, spurning hvort/hvernær það sé óhætt að henda þeim til baka í búrið án þess að þetta blossi upp aftur...
kannski best að setja lyf í plöntubúrið, en það er alveg fiskalaust...

svo er ég ánægður að ég náði myndum af tálknunum af þessum:


hann er nefnilega búinn að missa þau, reyndar ekki alveg á þann hátt sem ég var að vonast eftir en lítill jaguar gemlingur sem var að jafna sig í delhezi búrinu eftir árás stóra bróður síns beit tálknin af honum

Bætti annars við tveimur stórum og flottum polypterus palmas polli í búrið í dag, kk & kvk.

[Andri Pogo]

um helmingurinn af safninu:


feiti senegalus:


Trimaculatus að taka liti enda eina síkliðan í búrinu:


og Tigerinn er orðinn helvíti flottur
líklega besta myndin sem ég hef náð af honum líka

[Ásta]

Tigerinn er orðinn all suddalegur, veistu hvað hann er orðinn langur?

[Andri Pogo]

nei hef ekki getað mælt hann að viti lengi, en hann var 17cm þegar ég fékk hann fyrir 7mánuðum og þeir stækka mjög hægt, minna en cm á mánuði.
Ef ég ætti að giska myndi eg segja 21-22cm en hann er hins vegar búinn að breikka rosalega síðan hann var svona:

[Bob]

askoti er þetta brútal kvikindi

[Jakob]

Hann er flottur maður, en dýr er hann, 12þús síðast þegar ég vissi

+Trimac er BJÚTÍFÚL.

[Andri Pogo]

verðmiðinn á þessum var að vísu 49.900kr og það hafa ekki komið fleiri til landsins, ég sá reyndar þetta góða verð hjá Tjörvari en það er spurning hvort hann sé til hjá birgja, er ekkert alltof viss um það þar sem þeir eru ekki svo algengir.

[Jakob]

birgja?
Réttur verðmiði er samt um 20þús. miðað við hversu sjaldséðir þeir eru.

[Vargur]

birgja?
Réttur verðmiði er samt um 20þús. miðað við hversu sjaldséðir þeir eru.

Hvar finnur þú réttan verðmiða ? Ert þú með í höndunum sameiginlega verðskrá íslenskra fiskainnflytjenda ?

[guns]

Hahahaha! Ég tilnefni Síkliðuna til þess að halda upp "Verð vakt síðu" fyrir gæludýraverslanir!

[Jakob]

Nei meinti það nú ekki þannig en mér finnst bara þessi 2 verð 12þús og 49,9þús, 20þús er nokkuð inni á milli, enda sjaldgæfir fiskar.

[Andri Pogo]

þetta er nú orðið alveg óþolandi... pangasiusinn var búinn að vera blettalaus í 2-3 daga en í dag er hann allur út í einhverjum flekkjum, lítur ekki beínt út eins og hvítblettaveikin en það er meira eins og húðin sé að flagna af honum... hann gerir ekkert annað en að synda í útstreyminu úr tunnudælunni, sem er tengt við loftstút, eins og honum vanti súrefni...





blettir á nokkrum ropefish hafa hins vegar ekkert horfið..
Ég saltaði fyrir viku síðan

[Elma]

Vonandi fara þeir að losna við þennan óþverra. Væri leiðinlegt að missa svona flotta fiska.

[Vargur]

Hreisturlausir fiskar flagna oft svona eftir veikindi og eru svo fínir eftir 1-2 daga.
Það að hann syndi upp í straumin er sennilega vegna þess að hann "klæjar" eitthvað og þá reynir hann að synda í súrefnisríkara vatn og reynir að losa sig við kláðan.