Fallegasta fiskabúrið '08

[Vargur]

Keppni um hver á fallegasta fiskabúrið.

Þeir sem vilja taka þátt skulu senda heildarmynd af búrinu sínu og 1-2 myndir sem sýna þemað í búrinu.

Vegleg verðlaun verða veitt fyrir 3 fallegustu búrin.
Sennilega mun svo dómnefnd velja fallegustu búrin en fyrirkomulagið er mun vera ákveðið á næstu dögum í samráði við þá sem gefa verðlaunin.

Reglur um þátttöku.
Hver skráður spjallverji má senda mynd einu eða fleiri búrum í sinni eigu.
Senda skal heildarmynd af búrinu ásamt 1-2 myndum sem sýna þemað í búrinu.

Heimilt er að fá annan aðila til að sjá um myndatökuna en myndirnar þurfa allar að hafa verið teknar á þessu ári.

Myndum má ekki breyta í Photoshop en heimilt er að skerpa, lýsa osf. myndir.

Myndir skal senda með tölvupósti á fiskaspjall@gmail.com og skal pósturinn hafa titilinn Fallegasta búrið, staðfesting á móttöku verður send til baka.

Þeir aðilar sem gefa verðlaunin munu hugsanlega nota verðlaunamyndirnar til kynningar en myndin verður eign keppenda.

Skilafrestur er til 15. janúar næstkomandi.


Í fyrra stóð til að hafa samskonar keppni og voru fjölmargir sem sendu inn en þar sem verðlaunin sem veita átti skiluðu sér ekki varð ekkert úr keppninni. Það er þó ekki ólíklegt að myndirnar birtist einhvern góðan dag.

[Vargur]

Jæja, það reyndist ekki mikill áhugi fyrir þessu.
Einungis bárust myndir af einu búri og því varð lítið úr keppninni.
Verðlaunin bíða betri tíma en eigandi búrsins eina fær þó hugsanlega einhvern glaðning fyrir þátttökuna.

[Sirius Black]

Vá hvað þetta hefur farið framhjá mér :S hef ekki tekið eftir þráðnum um þetta :S

[Andri Pogo]

ég steingleymdi þessu, ætlaði að taka þátt aftur einsog í fyrra. Svo fór þessi þráður bara eitthvað framhjá manni í jan

[gudrungd]

ég lenti í hrikalegu þörungaveseni og var enganvegin til í að láta það sjást! spurning hvort það er stemning fyrir endurupptöku?