60L búrið mitt

[Sirius Black]

Ákvað að koma með smá fréttir af 60L búrinu mínu sem ég var að setja upp. Ætlaði að hafa það sem gróðurbúr með einhverjum litlum sætum fiskum en miðað við íbúana núna þá veit ég ekki hvort það endist lengi að hafa gróður og fínerí í því En ég og kærastinn fórum í dýragarðinn í gær og féllum fyrir litlum óskurum sem þar voru, okkur fannst þeir svo óvenjulegir á litinn en þetta er villta litafbrigðið. Við ákváðum að sofa á þessu um nóttina en kærastinn fór svo í morgun að kaupa þá og kom heim með tvö stykki þar sem það er víst betra, annars verða þeir einmana, og sérstaklega þar sem þeir verða líklega einir í búrinu bara og áður en einhver fer að segja að þetta sé lítið búr þá veit ég það spurði þá í búðinni og þeir sögðu að þetta myndi duga í svona hálft ár en stærra búr er á döfinni í sumar vonandi þannig að þeir fá stærra búr.

Plöntur:
Vallisneria americana 'natans'
Vallisneria americana ''mini twister''
Vallisneria americana (gigantea)
Sverðplöntur
Hottonia inflata
Cabomba (þessi eina sanna loksins )

Síðan íbúar:
2x litlir óskarar
1x ancistra til að þrífa

Dæla er Rena filtstar iV2 sem er fyrir allt upp í 75L og dælir 300L/klst þannig að ég verð að vera dugleg að skipta um vatn í búrinu vegna subbufiskanna svo er hitari sem fylgdi búrinu

Hérna kemur svo heildarmynd af búrinu


Sést einn óskari þarna fyrir ofan kókoshnetuna (hliðina á cabombunni), þannig að þeir eru ekki stórir eins og er


Hérna sjást félagarnir, synda alltaf saman









Afsakið myndgæðin, rosalega grófar myndirnar en varð bara að monta mig smá, er svo ánægð með þá

[Jakob]

Fallegir og vel uppsett búr, ég féll fyrir firemouth úr sama búri.

[Vargur]

Fallegir fiskar en það er mjög líklegt að liturinn breytist með aldrinum.
6 mánuðir í þessu búri er svona í bjartsýnari kantinum, 3-4 held ég að sé max en það er bara gaman að þurfa stærra búr.

[Sirius Black]

Fallegir fiskar en það er mjög líklegt að liturinn breytist með aldrinum.
6 mánuðir í þessu búri er svona í bjartsýnari kantinum, 3-4 held ég að sé max en það er bara gaman að þurfa stærra búr.

Já þeir sögðu það einmitt með litinn að mynstrið yrði ekki eins flott með aldrinum sem sé myndi teygjast svo mikið úr því. En já alltaf gaman að þurfa stærra búr þarf að fara að finna pláss fyrir það samt

[Elma]

ótrúlega flottir. Sá þá einmitt í dýragarðinum um daginn. Til hamingju með þá.

[Bob]

geggjaðir. væri til í svona

[Junior]

ótúlega kósí búr. það mun taka sig vel út sem gróðurbúr eftir nokkra mánuði.

[Jaguarinn]

þetta er flott búr hjá þér

[alexus]

vá geðveikt flott heildarmyndin af búrinu hélt þetta væri auglýsing eða eitthvað

[Sirius Black]

Ekki svo mikið að gerast í búrinu, búin samt að bæta við nokkrum plöntum og svo fer bráðum CO2 kerfi í það og búin að kaupa næringu fyrir plönturnar þannig að vonandi fara þær að spretta á fullu. Er búin að færa 6 bandabarba, 4 Harlequin rasborur og 3 neon tetrur yfir í það og þeir una sér vel þarna.

Ákvað að skella svo einni heildarmynd af búrinu inn , ætla að taka það fram að óskararnir eru ekki þarna lengur komumst að því að þeir voru að áreita litlu fiskana á nóttunni en létu eins og lömb á daginn þegar við sáum til þannig að þeir fengu ferð í stóra búrið.



Kem svo með fleiri myndir seinna , eitthvað lyf í búrinu núna sem litar vatnið svo að ekki er hægt að mynda það neitt eins og er