Tilfærsla á búri

sindris · Post by **sindris** » 26 Apr 2007, 22:28

Ég þarf að færa búrið mitt úr einu herbergi í næsta við hliðina. Hvernig er best að gera þetta?

Ég hafði hugsað mér að taka 50-60% vatnsins úr og halda á því fjórir saman. Búrið er 370ltr.

Gudjon · Post by **Gudjon** » 26 Apr 2007, 22:31

Ef þú villt að sílíkonið haldi mundi ég taka allt vatnið úr því.
Getur geymt vatn úr gamla búrinu í einhverjum bala/fötu ef þér líður betur með það

Post by **Vargur** » 26 Apr 2007, 22:32

Taktu allt vatnið, annað er rugl. Nýtt vatn í búrið, tengdu sumpinn, fiskar í.
Málið dautt !

Post by **keli** » 26 Apr 2007, 22:33

taka 50-60% úr - það þýðir að það séu samt eftir ca. 200kg að halda á

Ég myndi reyna að taka sem mest úr því, skilja kannski 10% eftir í mestalagi. Þetta er nógu djö. þungt fyrir.

sindris · Post by **sindris** » 26 Apr 2007, 22:33

Já, var að spá í hvort búrið myndi meika þetta... Hendi ég ekki bara fiskunum með vatninu ofan í bala? eða tvo.. eða þrjá.

Ég er bara svo hræddur um að fiskarnir þurfi að vera of lengi ofan í einhverjum bala, þeir fara ekkert ofan í nýtt kalt vatn í búrinu eftir að ég færi það?

Gudjon · Post by **Gudjon** » 26 Apr 2007, 22:38

Jú, ég hendi alltaf lítilli dælu í balann til þeirra til þess að mér líði betur

Þeir geta verið heillengi í stórum bala, settu volgt vatn út í búrið, þá geta þeir farið beint ofaní

sindris · Post by **sindris** » 26 Apr 2007, 22:42

Volgt vatn :O má það? Hitaveitu þeas...

Post by **keli** » 26 Apr 2007, 22:43

Hitaveituvatn er í góðu lagi

Gudjon · Post by **Gudjon** » 26 Apr 2007, 22:43

Já, hitaveituvatn, það er í fínu lagi, gott að búa á Íslandi

sindris · Post by **sindris** » 26 Apr 2007, 22:50

Okei

eitt í viðbót...

hvernig er best að ná fiskunum í bala, óskararnir þá sérstaklega (16-20cm)

Gudjon · Post by **Gudjon** » 26 Apr 2007, 22:53

Með háfi !!
Getur líka verið extreme og notað hendurnar en ég held að flestir notist við háf

sindris · Post by **sindris** » 26 Apr 2007, 22:54

Málið er bara að ég er ekki með svona stórann háf við höndina eins og er

Post by **Vargur** » 26 Apr 2007, 22:58

Ef þú ert ekki með háf þá getur þú tæmt nánast allt vatn úr búrinu og náð svo fiskunum í stóra skál eða...tertuhjálm.

Post by **Ásta** » 26 Apr 2007, 22:58

En stóra skál úr plasti? Jafnvel tertuhjálm!

Post by **Vargur** » 26 Apr 2007, 22:59

Great mindes...

Post by **Ásta** » 26 Apr 2007, 23:04

WOW, þetta er scary...

sindris · Post by **sindris** » 26 Apr 2007, 23:06

Hahaha, frábært. Aðeins of náið spjall. Sem er fínt.

Birkir · Post by **Birkir** » 27 Apr 2007, 00:09

Tertuhjálm??

sindris · Post by **sindris** » 27 Apr 2007, 00:48

Jæja, þetta ævintýri er að enda núna. Óskararnir eru frekar skaddaðir, því miður. Vonandi að þeir nái sér. Hvor um sig er með 1-2 stór sár og nokkrar rispur. Vitið þið hvort þeir grói almennilega?

Brotinn hitari =/ ef einhver er að selja hitara þá vantar mig endilega á næstu dögum.

Post by **Vargur** » 27 Apr 2007, 01:02

Ha, hvað gekk eiginlega á ?
Salt í vatnið, þá grær þetta betur og ekki kemur fungus í sárið.
Ég á ónotaðann hitara 300w hitara handa þér, 2000.- kr. Var ekki hitarinn í sumpnum ?

Post by **Hrappur** » 27 Apr 2007, 01:14

óskarinn grær ótrúlega vel . . salt í búrið , góð vatnsgæði og þá ætti þetta að lagast segi ég án ábyrgðar þar sem ég hef ekki séð sárin. .

en hvað gekk eiginlega á ? erfitt að ná þeim ? slagsmál ?

Mr. Skúli · Post by **Mr. Skúli** » 27 Apr 2007, 08:39

já óskarar geta lamið nokkuð vel frá sér... ég mæli með að næst þegar þú gerir þetta, lemdu þá þéttingsfast á milli augnana og þá verður þetta ekkert mál..

sindris · Post by **sindris** » 27 Apr 2007, 10:41

Okei, ég ætla að salta vel. Þeir litu strax aðeins betur út í morgun en í gærkvöldi. Þeir voru rosalega duglegir að sprikla í brúnirnar á skálinni sem ég notaði til að ná þeim.

Ég væri endilega til í að kaupa þennan hitara af þér, ég sendi þér pm.