250L Discus búr

henry · Post by **henry** » 10 Jun 2009, 13:57

Jæja. Setti inn þráð um nautshjartað og uppskriftina.

Prófaði að gefa þeim áðan. Tók fyrsta lagi of mikinn skammt úr frystinum, hélt ég þyrfti meira en raunin varð. Verð að segja að ég er feginn að vera með neon tetrurnar í búrinu, því sumir Discusarnir eru með vægast sagt slæma borðsiði. Gúffa upp í sig stórum bitum og spýta út úr sér skýi og reyna að ná næsta stóra bita. Tetrurnar fengu sko sitt, mjög sprækar og duglegar.

Eitthvað vafðist þetta fyrir þeim í fyrstu þannig að dálítið af mat fór á botninn og var ekki étinn, þannig að ég þurfti að ryksuga mölina aðeins, og skipti um smá vatn í leiðinni.

Það er rosalega gaman að sjá þá éta þetta, og greinilegt að þeim finnst þetta mjög gott. Þetta er í fyrsta skipti sem ég hef séð Discus verða „saddann“ af mat. Samt gaf ég þeim bara í 2-3 mínútur.

Verður gaman að sjá framþróunina hjá þeim með þessu fæði. Ljóst að ég á feykinóg af mat þó ég hafi bara verið með eitt frekar lítið hjarta. Mæli með að fólk mixi svona sem hefur ekki gert það nú þegar!

LucasLogi · Post by **LucasLogi** » 10 Jun 2009, 14:50

Mínir vilja frekar nautshjartamix heldur enn blóðorma. svo mæli ég með fóðrinu sem keli er að selja mínir eru allveg vitlausir í það, nánast allir mínir fiskar hvort sem það eru síkliður, gullfiskar eða eitthvað annað það virðast allir éta þetta fóður. Greinilega mjög ferskt og gott.

mæli með að þú fáir þér nokkrar eplasnigla til að hreinsa upp

Hvað er heitt í búrinu hjá þér?

henry · Post by **henry** » 10 Jun 2009, 15:03

Ég er með 28°C

LucasLogi · Post by **LucasLogi** » 10 Jun 2009, 16:48

Ég hef vanið mig á að hafa hitann alltaf 30°C veit ekki hvort það sé gott eða slæmt

henry · Post by **henry** » 10 Jun 2009, 16:52

Fer sennilega eftir því hvað þú vilt hafa með þeim í búrinu, og svona. Margir eru jafnvel með Discusana í 26°C. Þeir ættu að vaxa hraðar í 30°C. En mér finnst það yfirdrifið, frekar að eiga þessar gráður upp á að hlaupa ef það verða einhver vandamál með þá.

Reyndar myndi ég þá baða fiskana frekar en að hækka hitann í 30 hjá mér.

LucasLogi · Post by **LucasLogi** » 10 Jun 2009, 17:01

Það eru 30 neon og kardinála tetrur, 3 eplasniglar, 1 assasinsnail, 5 ancistrur og discusarnir þetta lifir allt vel í 30 gráðunum.

Discusarnir þola allveg uppí 36 gráður hef ég heyrt

Post by **keli** » 10 Jun 2009, 18:30

Tjah flestir ræktendur hafa þá í svona 29-30 gráðum - og hækka uppí 32-33 ef það kemur eitthvað uppá

Ég er með mína í um 28 gráðum líka, virðast kunna ágætlega við það.

Það hentar þó ekki með plöntum til dæmis.

LucasLogi · Post by **LucasLogi** » 11 Jun 2009, 01:01

Limnophila sessiliflora er eina sem lifir af hitann sem er í mínu búri af þeim plöntum sem ég hef verið með. Vallisneria var fljót að drepast.

Svavar · Post by **Svavar** » 11 Jun 2009, 05:25

Haldið fiskunum í 28°C og ekki neðar því annars er hætta á einfrumunga síkingu, ef þið viljið hava plöntur og aðra fiska er þetta skásti hitinn, það er líka kostur við að halda þeim þarna því ef þið þurfið að hitameðhöndla fiskana þá getið þið hækkað hlutfarslega meira á þeim hitan úr 28 og í allt að 35 sem eru jú 7°C í stað þess ef eitthvað kémur uppá í 30°C þá getið þið aðeins hækkað um 5 gráður í besta falli.

Ég hef hvergi séð hjá vönu diskusa fólki mælt með 26°C. þvert á móti hef ég rekið mig á að það sé of látt og fiskunum líði ekkert sérstaklega í þeim hita þó svo þeir ertilvill tóri í einhvern tíma.

henry · Post by **henry** » 17 Jun 2009, 22:24

Jæja. Grisjaði vallisneriuna í vikunni, þar sem hún var orðin full af dauðum blöðum sem voru að fyllast af þörung. Var áður búinn að grisja sverðplönturnar.

Grjótið hægra megin er bara eitthvað grjót sem ég fann úti í garði, sauð í klukkutíma og notaði til að fergja rótina áður en hún sökk alveg. Leyfði honum bara að vera í búrinu hann er pínu holóttur, gæti verið að ég keypti einhvern „mosa“ til að festa á hann.

Ný heildarmynd:

Og mynd af blue snake skin:

Post by **Ásta** » 18 Jun 2009, 11:21

Æðislega flott hjá þér.

henry · Post by **henry** » 21 Jun 2009, 22:31

Ekkert að frétta af búrinu, nema ég framkvæmdi 30% vatnsskipti í dag.

Fann hinsvegar þessa áhugaverðu rót í garðinum í gær, gróf hana upp, kroppaði af henni, og sauð í ca 2 klst með epsom salti og síðar edik.

Er svona að spá í að fergja hana og láta sökkva svo ég geti sett hana í búrið, eða eiga hana fyrir eitthvað annað búr.

henry · Post by **henry** » 21 Jun 2009, 23:28

Hreinsaði dæluna, og fór eitthvað mikið að pæla í hvaða filtermedia væri í henni.

Í efri dollunni eru keramikhringir, en í neðri einhverjar cocoapuffs kúlur. Er þetta hið fræga Ehfi substrat pro?

Og, með svona messy prímadonnufiska eins og Discus, ætti ég að vera með stærri dælu en Eheim 2224?

Annað, maður les alltaf á erlendum síðum að það megi ekki skola mediu úr kranavatni, en er það ekki bara út af klórnum í erlendu kranavatni? Er ekki í fínu lagi að skola þetta bara hér?

henry · Post by **henry** » 22 Jun 2009, 00:14

Blaa.. Komst auðvitað að því þegar ég fór að googla að þetta sneri öfugt í filternum hjá mér. Sá sem átti filterinn á undan mér hafði sett hann svona upp og ég ekkert spáð í þessu þegar ég setti þetta af stað.

Ehfisubstrat kom fyrst í neðri fötunni, svo ceramic hringir (eheim mech) í efri fötunni, svo grófi svampurinn (eheim fix) og síðast filterullin (eheim synth).

Breytti því uppsetningunni á filternum þannig að hann er núna: mech->fix->substrat->synth. Ætti vonandi að virka eitthvað betur. Reyndar er búrið farið að vera 0 nítrít og lágt nítrat gegnum alla vikuna.

Post by **keli** » 22 Jun 2009, 08:02

Hvað dælir 2224 á klst? Ég myndi vilja ná amk 3-4x filteringu á klst. Ég er með um 2800l/klst í 530 lítra búrinu mínu. Mætti í raun ekki vera minna, því dælurnar stíflast og þetta minnkar fljótt.

Það er í lagi að skola uppúr kranavatni, en þá verður hitastigið að vera sama og í búrinu. Of kalt/heitt og þá drepur maður mikið af bakteríunum.

Post by **Sven** » 22 Jun 2009, 08:35

2224 segja þeir að dæli um 700 l/h, sem ég mundi segja að væri alveg í minnsta lagi fyrir þetta búr, sérstaklega þar sem að þú ert með diskusa. Með reynslunni er ég alltaf að hallast meira og meira að því að of-filtera búr, maður gerir sér lífið svo miklu léttara ef maður bara veit að búrið er nógu vel filterað.

Í 600ltr búrin sem ég er að fara að setja upp verð ég með um 3600 l/h, og held að ég ætti að geta sofið nokkuð rólega með það.

henry · Post by **henry** » 22 Jun 2009, 14:23

En ef ég fengi mér stærri dælu, hvernig væri þá best að cycla hana til? Keyra báðar dælurnar samhliða hvor annarri?

Post by **Andri Pogo** » 22 Jun 2009, 15:00

já, skella nýju dælunni við búrið og leyfa þeirri gömlu að malla áfram eitthvað.

eða einfaldast líklega að taka bara gamla media dótið úr og setja í nýju dæluna.

rabbi1991 · Post by **rabbi1991** » 22 Jun 2009, 18:38

eða hafa bara báðar?

henry · Post by **henry** » 22 Jul 2009, 00:40

Smá updates.

Það eru 4 Discusar eftir í búrinu, og að ég held allar 30 neon tetrurnar, 3 eplasniglar og ein ankistra.

Hef verið að lenda í þörungaveseni, ekkert major disaster ennþá, en svona skýjast vatnið stundum. Held ég hafi komist fyrir það með vatnsskiptum og minnkaðri gjöf á ferskfóðrinu.

Tveir minnstu discusarnir eru enn með tálkn problem, consistently núna í mánuð eða svo þannig að ég gafst upp og gaf lyf. Ormalyf sem Fiskó sendi mér við capillaria, vona að það dugi á tálknorminn líka ef þetta er það. Mun sennilega ormahreinsa búrið árlega. Maður gerir það við önnur dýr, þannig að mér finnst það ekkert tiltökumál.

Ákvað að smella nokkrum myndum af Svavarsdiscusum, en ég hef birt alltof fáar myndir af þeim finnst mér. Þessi Red Turquoise er enn frekar lítill og vex hægt, en mér sýnist hann ætla að verða helvíti fallegur. Hinn turquoise discusinn dó. Á efstu myndinni sést svo í það sem ég held að sé Red Snakeskin. Neðst er svo ein af Ankistrunni, hef ekki náð betri mynd en þetta.

Post by **Elma** » 22 Jul 2009, 00:59

ótrúlega flottir!

henry · Post by **henry** » 31 Jul 2009, 16:24

Var að bæta við 3 ankistrum áðan. Þannig að nú er ég með 4. Reyndar ekkert rosalega spenntur fyrir ankistrum yfir höfuð, nema kannski flottum týpum eins og Lindared á. Þannig að ég tók engar myndir. Voru því miður ekki til Bótíur.

Annars langar mig í nýjan Discus orðið, einhverja flotta týpu.

Annað ekki að frétta af búrinu nema ég er farinn að sjá einhverja svona fölgrænt/glæra þræði á vallisneriunni við yfirborðið. Verð að finna mér ónotaðan tannbursta eða eitthvað.

Jakob · Post by **Jakob** » 31 Jul 2009, 18:35

Red Marlborough eru mjog flottir. en mjog fallegt búr hjá thér.

henry · Post by **henry** » 31 Jul 2009, 18:41

Takk fyrir það.

Já ég er hrifinn af Red Marlboro Discus, og líka Red Dragon og Green Coral o.m.fl.

Red Dragon

Green Coral

Bara spurning hvað er til hvar, og hversu flott eintök það eru. Erfitt þegar maður kemst ekki í búðirnar að skoða :/

Post by **Elma** » 31 Jul 2009, 18:50

góð síða til að sjá diskus og liti http://www.macsdiscus.com/images.html

mér finnst þesso flottur, soldið ýktur litur http://www.macsdiscus.com/Bold-Red-Universe-Discus.html

þessi http://www.macsdiscus.com/Red-Leopard-E ... iscus.html

þessi auðvitað http://www.macsdiscus.com/White-Diamond-Disucs.html

og þessi http://www.macsdiscus.com/Ocean-Green-Discus.html

og einhverjir fleiri...

henry · Post by **henry** » 31 Jul 2009, 18:55

Hefuru séð einhver svona flott eintök í búðunum fyrir sunnan, Elma?

Post by **Elma** » 31 Jul 2009, 20:19

nei, hef svo lítið farið í búðir undanfarið...

en vargurinn á auðvitað einhverja diskusa

1 x hvítan og 1 x appelsínugulan (par) og svo einhverja fleiri. Er mjög hrifin af einum þeirra sem er held ég wild green diskus http://media.photobucket.com/image/wild ... cus001.jpg

allavega mjög svipaður á litinn...

henry · Post by **henry** » 31 Jul 2009, 20:33

Kúl!

henry · Post by **henry** » 02 Aug 2009, 23:25

Nú gerðist það sem ég átti ekki von á. Ég er kominn með svaka áhuga á Ankistrunum mínum. Reyni og reyni að gefa þeim agúrkur, en eplasniglarnir eru sneggri að finna þetta og éta þær.

Smellti einni mynd.

Jakob · Post by **Jakob** » 03 Aug 2009, 00:56

Ótrúlega skemmtileg kvikindi, gaman að fylgjast með þeim.