Að flytja með fiskabúr

[Moskau]

Jæja, nú þarf ég fljótlega að flytja og af öllu þá kvíði ég mest að koma fiskabúrunum mínum á milli staða.

Hafið þið einhver góð ráð? Er t.d. hægt að flytja fiskabúr á milli án þess að þurfa að koma bakteríuflórunni af stað? Hvað þarf að passa upp á?

[Andri Pogo]

ég hef tvisvar flutt með búrin, m.a. 720L búr.
Það er ekkert svakalegt mál þannig séð, ég passaði bara að enda á búrinu á gamla staðnum og byrja á þeim þegar ég kem á nýja staðinn, svo fiskarnir þurfa ekki að vera nema nokkra klst úr búrinu.
Bakteríuflóran bíður þá bara róleg í dælunum og mölinni á meðan.
Tæmi allt vatn úr búrnum, en þegar ég kem á nýja staðinn læt ég vatn af því sem var í fiskaílátunum í búrið, ætli það hafi ekki verið 10-15% af heildarvatninu og fylli rest úr krananum, skellti svo bara einu fiskaíláti í einu ofan í búrið og lét það ná sama hitastigi og í búrinu áður en ég skelli fiskunum útí.

Ef búrið er í minni kantinum er sjálfsagt ekkert mál að geyma stærri hluta af vatni og flytja milli staða en það er svosem ekkert nauðsynlegt.