Stefni á að bæta við nokkrum stórum malawi utaka síkliðum í 720L búrið og channan mun líklega ekki passa mjög vel með.
Mest myndi ég vilja skella henni í minna sérbúr en það er ekki í boði sem stendur.
smá glósa um hana úr Monsterþræðinum mínum:
Árið 2007 fundust tvær nýjar chönnutegundir; Channa Ornatipinnis og Channa Pulchra, báðar flokkast þær sem dverg-chönnur og eru svipaðar í útliti. Þær þóttu óvenju litríkar og eru auðþekktar frá öðrum chönnum. Þess má til gamans geta að Pulchra þýðir falleg.
Vegna þess hve nýlega tegundin var fundin eru ekki til miklar upplýsingar um hana enn. Þó er byrjað að rækta Pulchra og er tegundin að verða algengari í fiskabúrum.
Eins og með aðrar chönnutegundir er Pulchra grimm kjötæta. Ekki ætti að hafa fiska minni en 2/3 stærðar hennar í sama búri. Skapgerð tegundarinnar er hins vegar mismunandi eftir fiskum, þar sem sumar geta verið með stærri fiskum en sumar drepa allt sem þær komast í, minni sem og stærri fiska. Yfirleitt er því mælt með því að hafa allar chönnur í sér búri.
Chönnur kjósa róleg og vel gróðursett búr með nægum felustöðum.
Kjörhitastig er 18-25°.
Chönnur geta komið upp og andað að sér andrúmslofti og getur lifað úr vatni í þónokkurntíma ef nægur raki er fyrir hendi. Einnig geta þær "gengið" á landi og fært sig milli vatna á sama hátt og hinn alræmdi Walking Catfish.
Chönnur eru með öllu bannaðar í Bandaríkjunum og fleiri löndum og Evrópubann er í umræðunni. Ástæða þess er að þær eru harðgerðar og þola lágt hitastig. Ef þeim er sleppt á nýjum slóðum geta þær valdið mjög miklum skaða í vistkerfinu.
Þetta er fullvaxin Channa Pulchra, í mjög viðráðanlegri stærð; ~25cm.
og smá video þar sem hún er í aðalhlutverki fyrri helming:
<embed src="http://www.youtube.com/v/ofW7fFrkszk&hl=en&fs=1&rel=0" type="application/x-shockwave-flash" allowscriptaccess="always" allowfullscreen="true" width="853" height="505"></embed>
Ég ætla mér samt ekki beint að selja hana, heldur vildi ég frekar athuga hvort einhver ætti einhverjar malawi utaka síkliður í skiptum, helst í stærri kantinum.
Til að gefa annars einhverja hugmynd um verðgildið þá myndi þessi fiskur líklega kosta 25-30þ+ út úr búð og þetta er líklegast eina eintakið á landinu.
Hafið samband í skilaboðum.
