110 l gróðurbúr Vargs

[JinX]

þetta er magnað hjá þér vinur, en segðu mér eitt hvað kostar svona græja sirkan ný úr kassanum?

[hafið bláa hafið]

Heyrðu hvar færð maður svona tæki og hvað kostar það
Mig langar neffnilega svolítið í svona

[Vargur]

Rúmlega 4.000.- með öllu sem þarf og einni brugghræru.
Fæst meðal annars í Fiskabur.is

[Ásta]

Stillir þú þetta eftir stærð búrsins eða er bara ein stilling fyrir allt?
Þarf svo ekki að fylla á tólið eftir einhvern x tíma?
Eitt í viðbót, er ekki stór séns á að þetta auki þörungavöxt eða er það bara ef kemur of mikið úr honum?

[Vargur]

Maður getur stjórnað því hvar í stiganum slangan hleypir út kolsýrunni, því neðar, því lengur er kolsýran í snertingu við vatnið, þar sem ég er með mikinn gróður og auk þess öfgamaður þá setti ég slönguna í neðstu stöðu.
Það þarf að leggja í nýja brugglögn á ca. 4 vikna fresti.
Þetta á alment ekki að auka þörungavöxt heldur frekar draga úr honum þar sem plönturnar gáma í sig næringarefni þörungsins.

[Ásta]

Þessi brugglögn, er hægt að kaupa hana tilbúna eða þarf að malla eitthvað heima?

[JinX]

en hvernig fer þetta í fiskana?

[Vargur]

en hvernig fer þetta í fiskana?

Þeir verða alveg snarvankaðir maður.
Nei annars, ég held að þetta sé það lítið kerfi að það hafi ekki teljandi áhrif á fiskana. Það er td. ekki mælt sérstaklega með því að maður loki fyrir þetta á nóttunni og annað.
Bendi mönnum á punkatana hans Stephans um kolsýru og meðal annars þetta kerfi. http://www.fiskaspjall.is/viewtopic.php?t=304

[Einar]

Þetta er sniðugt. Það verður gaman að fylgjast með því hvernig gróðurinn tekur við sér við þetta.

[Sven]

Það eru eiginlega engar líkur á að kolsýran sem þetta býr til fari illa í fiskana, til þess þarf CO2 að fara allavegana upp í 35-40 ppm, og það er nánast ómögulegt að ná svo mikilli co2 mettun með svona græju.

[Vargur]

Tékkaði á verðinu.
Kitið kostar kr. 4.980.- Í því er allt sem þarf og ein áfylling á bruggið sem síðan þarf að endurnýja á ca. 4 vikna fresti. Viðbótaráfylling kostar svo kr. 1.080.-

[keli]

Svo er auðvelt að blanda þetta sjálfur bara, ger, sykur og vatn.

[Stephan]

Ég nota svona Nutrafin CO2 - tæki, i minna búr minn, nú rumlega i 8 mán. og gétur bara segja það er algjör snilld.
Það fer ekki neitt illa með fiskana , ég verð ekki var með auka vöxtum af þörungar, það eina ég verð var er plöntunar verða rosalegt fallegt i vöxtum og mikið fallegari litnum
Ég þarf að skipta svona i milli 3-5 vikur, það skiptar mál hvað mikið hitað er i herberginu !!
Þetta verður geiðveikt flott hjá þér Vargur

[Vargur]

Tók nýjar myndir í kvöld. Reyndar er leiðingaspeglun frá gugganum, ansans sumar.


Gróðurinn hefur hækkað aðeins og breytt úr sér.


Ég er ekki frá því að hann hafi grænkað líka.

[Birkir]

Jáhérna.... Þetta er gullfallegt.
Ertu með eitthvað í jarðveginum annað en sand?

[Vargur]

Nei ekkert nema þá nokkur brot af gróðurnæringu í töfluformi.

[Vargur]

Mynd tekin fyrir 6 dögum.


Mynd tekin í gærkvöldi.

Eins og sést vel hefur gróðurinn vaxið aðeins á þessum 5 dögum sem eru á milli þessara mynda.

[Birkir]

ja hérna jæja

[Ólafur]

Þetta er geggjað
Frábært gróðurbúr hjá þér Hlynur.

[Ásta]

Þetta er lekkert.

[Andri Pogo]

very nice
þegar þú ert að snyrta plöntur, klippiru ofan af þeim eða slíturu alveg frá rót?

[Vargur]

Misjafnt eftir plöntum, klippi vanalega ofan af og hreinsa burt skemmd eða lasleg blöð.

[Inga Þóran]

mjög smart

[Vargur]

Ég grisjaði gróðurinn í fyrsta skiti í gærkvöldi, reyndar voru bara 2 týpur af plöntum sem fengu klippingu.
Búrið er búið að vera í gangi í rúmlega 3 vikur og nánast enginn þörungur sést í því, ég er einu sinni búinn að skafa framglerið.
Allar plöntur líta vel út, engin blöð eru skemmd og allt er heiðgrænt.
Ég er ekki enn farinn að skipta um vatn í búrinu en býst við að fara í það um helgina.

[Atli]

Frábært hjá þér Vargur, gaman að sjá hvernig þetta fer að heppnast hjá mér, en ég var að velta fyrir mér þar sem ég er með þennan búnað líka eins og þú, hvort að ég geti haft súrefnisgjafa eins og stút á dæluna sem 'prumpar' súrefninu í vatnið eða loftstein í búrið. Einhverstaðar las ég að plönturnar lifi á súrefni á nóttunni þegar ljósið er ekki í gangi. En þar sem ég er ekki kunnugur um svona efnaskipti og fræði langaði mig bara að spyrja. Vill ekki að neinn tími eða orka fari í eitthvað sem er svo ekki rétt eða virkar ekki.

[Vargur]

Loftsteinar og prumpudælur eiga almennt ekki heima í gróðurbúrum en eru þó æskilegar fyrir fiskana. Ef þú ert með loftdælu þá missir þó kolsýruna hraðar úr vatninu og þá nýtist hún ekki fyrir plönturnar. Fiskarnir ættu þó ekki að þurfa að örvænta ef fjölda þeirra er stillt í hóf því plönturnar ættu að skila nægu súrefni í vatnið.

[Vargur]

Ég tók fyrstu vatnskiptin í búrinu í gærkvöldi. Skipti út ca 30% af vatninu. Allt í sóma í búrinu, gróðurinn vex og dafnar. Næstum því leiðinlegt hve vel gengur, maður hefur ekkert að gera ef ekkert vesen er.
Nú bíð ég bara eftir að fara að sjá einhver seiði hjá gotfiskunum.

[JinX]

á ekkert að fara að koma með uppdate á þennan þráð

[Vargur]

Uss jú, ég hef reyndar varla litið á þetta búr í smá tíma, það er kominn tími á enn eina grisjun á gróðrinum og ég skipti í fyrsta skipti um áfyllingu á co2 systeminu í gærkvöldi.
Aulast í það við tækifæri að taka nýja mynd.

[Vargur]

Ég er alveg búinn að trassa búrið að undanförnu og hef ekkert gert í búrinu, gróðurinn er alveg að sprengja búrið og kominn talsverður þörungur á glerin en búrið er beint á móti glugga.

Myndir teknar í kvöld.




Ég fer í grisjun á næstu dögum og hugsanlega verða einhverjir afleggjarar í boði fyrir gott fólk.