Stækkun á tjörninni minni

[helgihs]

Ég ákvað að stækka tjörnina mína og ég byrjaði aðeins að taka pallinn í sundur og grafa í dag. Stækkunin er um 1x3,4 metrar og síðan ætla ég að dýpka hana eins og dúkurinn sem ég keypti leyfir.

Allar þessar myndir eru teknar af svölunum.



Hérna er tjörnin, ég er búinn að dæla um 30 cm af hæð vatnsins úr. Ég ætla að færa vegginn neðst um meter nær húsinu. Þarna sést einnig fiskikar sem fiskarnir verða í á meðan framkvæmd stendur.



Ég ætla að loka þessu horni af og hugmyndin er að gera foss þarna.



Hér eru nokkrir fiskar og matarskammtarinn, hann er yfirleitt ekki þarna.. bara núna. Bunan þarna er úr hreynsikerfinu.



lítil dæla að dæla úr tjörninni á meðan við vorum að grafa.



Víking gefur kraft. Sést hvernig ég gekk frá þessu í horninu.

Síðan er planið að nota affallið af húsinu til að hita upp tjörnina og þá verður bara sírennsli í hana og úr. Brunnurinn er 3 metra frá tjörninni.

Meðaldýptin á tjörninni verður svona meter, dýpst verður hún um 1,5m



Hér er paint mynd circa af málunum. Punktalínan sýnir viðbótina.
Ekki alveg í réttum hlutföllum.

[helgihs]

Búinn að grafa helling upp

Steinninn í miðjunni var erfiður og ég ákvað að grafa hann bara niður.



Ég lét efnið sem kom upp bara renna í gegnum hekkið.



Ég ætla að hækka yfirborðið á vatninu um 15cm. Það náði eins og bláa röndin. Ég set spítu á milli staura, festi þær á járnin sem sjást á myndinni.



Kom inn til að hvíla mig aðeins og smella myndum inn

[Gudmundur]

Þetta lítur vel út og verður góð breyting

[Sven]

þetta verður jafnvel enn glæsilegra, leyfðu okkur endilega að fylgjast með þróuninni á þessu

[svanson]

Þetta endar með því að þú leggur alla neðri hæðina hjá þér undir fiskana lýst vel á þetta hjá þér. Þarf að fara kikja á þessa framkvæmd hjá þér

[helgihs]

Dúkurinn kostaði um 60 þús. hann er 8x7,5m

Að koma dúknum fyrir





Byrjað að leka í tjörnina. Það sést ágætlega hvað hún er djúp, hún er dýpst þar sem strákurinn stendur.





Meðaldýptin er um 120cm og hún er dýpst um 160 cm

[Squinchy]

Lýst vel á þessar framkvæmdir

[helgihs]

Fossinn.

Vonandi nokkuð beint.



Ein yfirmynd



Rörið til vinstri er úr dælunni sem mun dæla vatni í fossinn. Ég saga bút af rörinu til hægri og gata það. Síðan set ég þau saman og hleð grjóti yfir.



Held að fiskarnir fíli sig bara ágætlega í "nýju" tjörninni.



Byrjaðir að éta strax á fyrsta degi.

[Gudmundur]

Þetta er flott
væri til í að fá að sjá þetta með eigin augum

[Svavar]

Flott framkvæmd, en nú þarft þú að smella nokkrum myndum af þessu full frá gegnu.

[helgihs]

Núna er ég búinn að ganga frá þessu svona að mestu leiti. Bara smotterí eftir eins og að ganga frá köplum og því um líkt.

nokkrar myndir



Þetta var fyrsta tilraun með fossinn, ég ætla að breita honum. Þarna var ég að gefa þeim að éta.


Tekin af svölunum, aðeins byrjað að dimma.


Svona gekk ég frá dúknum, lagði bara lista yfir hann.


og síðan tveir koi

[helgihs]

Ég fann brunnana fyrir affallið af húsinu eftir smá leit, þeir voru ekki á sama stað og teikningarnar sýndu. Ég tengdi affallsrör úr tjörninni í brunninn.

Mynd af aðalleiðslunni og brunninum.



Þarna sést stúturinn sem kemur inn í tjörnina, það kemur síðan 90° beygja upp.



Báðir brunnarnir



Næst er síðan að tengja heita affallsvatnið úr húsinu inn í tjörnina.

[helgihs]

jæja, nú er ég búinn að tengja affallið í tjörnina.

Það kemur reyndar ekkert voðalega mikið af heitu vatni núna úr því. Það er bara eðlilegt miðað við hitann úti.

Allt draslið


ofan í brunninn


Ég geng síðan vel frá þessum enda, kem honum fyrir einhversstaðar þar sem hann sést ekki eins vel.

[Squinchy]

Þetta lýtur bara mjög vel út

[vikar m]

þetta er bara geggjað

[keli]

Já þetta er helvíti flott hjá þér! Núna er mig farið að klæja að stækka tjörnina mína!