530L búrið mitt

Post by **keli** » 24 Jul 2007, 09:57

Ég kom mér upp 530L búri um daginn, datt í hug að gera þráð um það þar sem mér leiðist í vinnunni.

Íbúar 200l búrsins voru færðir yfir, sem voru

7 Trúðabótíur
~5 Ankistrur
1 Hvítur Convict karl

Svo bættist við

1 Claria
1 Tiger shovelnose

Svo keypti ég mér nokkra fiska í gær

1 Citrinellum
1 Flowerhorn
2 Sajica (T Bar cichlid)
1 Convict kerling

Svo ætla ég að bæta við Jack Dempsey, Oscar, silver arowana og RTC við tækifæri.

Ég geri mér fyllilega grein fyrir því að þetta búr er í smærri kantinum fyrir marga af þessum fiskum, en það kemur ekki að sök þar sem það stendur til að tjörnin mín verði tilbúin fyrir þá eftir 1-2 ár.

Svo hendi ég inn myndum við tækifæri.

Post by **Vargur** » 24 Jul 2007, 18:50

Fínt að vera bara með tjörn á kantinum svona sem framtíðarheimili fyrir durgana.

Post by **keli** » 24 Jul 2007, 21:09

Tók 70% úr búrinu, færði það frá veggnum og skellti svörtum bakgrunni á.. Fullt af loftbólum á glerinu eftir vatnsskiptin, en lítur mun betur út með bakgrunni.

Post by **Ásta** » 27 Jul 2007, 19:46

Thetta er nu fjandi fint bur.
Er lok a thvi eda er ljosid bara tharna eitt og ser?

Post by **keli** » 29 Jul 2007, 19:55

Ég á eftir að smíða lok á það.. Þetta er bara til bráðabirgða til að hafa eitthvað ljós á því

Post by **Andri Pogo** » 29 Jul 2007, 19:59

very nice

hvernig möl ertu með?

Post by **keli** » 29 Jul 2007, 20:15

Einhverja ljósa, frekar grófa möl sem gaurinn sem seldi mér búrið lét mig hafa með því. Svo henti ég líka slatta af skeljasandi úr gamla búrinu í, bæði til að starta bakteríuflórunni og til að hækka hardness í vatninu smá.

Post by **Ásta** » 30 Jul 2007, 19:06

Aetlar thu ad smida svona alvoru lok med ljosi inn i?
Og ur hverju a thad ad vera?

Post by **keli** » 30 Jul 2007, 19:43

Smíða það líklega úr krossvið og set 2-4 80w T5 perur í það. Ég á nú þegar perustæði fyrir 2stk.

Verst að það er tómt vesen að gera svona lok almennilega.. Ég vil ekki hafa þetta eitthvað huge bákn, vil eitthvað low profile og snyrtilegt og þar er hægara sagt en gert, sérstaklega þegar maður er bara í meðallagi laginn í höndunum.

Post by **Ásta** » 09 Aug 2007, 14:24

Akkúrat, mig bráðvantar lok á mitt búr en hryllir við einhverjum grodda.

Ertu byrjaður á lokinu?

Post by **keli** » 09 Aug 2007, 20:21

Nei, en ég er að teikna þetta akkúrat núna og fer líklega í byko í morgun og læt saga bútana til fyrir mig...

Post by **Vargur** » 09 Aug 2007, 20:27

Hvaða efni verður í lokinu, krossviður ?

Post by **keli** » 09 Aug 2007, 20:31

Já, hafði hugsað mér að nota 10-12mm krossvið og mála með epoxy að innan... Nema þú/þið hafið betri hugmynd?

Post by **Vargur** » 09 Aug 2007, 21:10

Nei mér líst best á krossviðinn, gott að vinna og þolir nokkuð vel raka og verpist ekki til þó hann blotni.

Post by **keli** » 10 Aug 2007, 22:28

Var að pæla í að hafa lokið einhvernvegin svona.

Post by **keli** » 13 Aug 2007, 14:12

Fór í byko áðan og pantaði efnið í lokið. Lokaútgáfan er aðeins öðruvísi en þetta, og mér sýnist að lokaverð á þessu verði í kringum 8000kr. Efnið og sögun 5000kr, skrúfur og málning 2500kr og svo píanóhjarir á eitthvað smotterí.

Ég á ljósin í lokið þannig að það er utan kostnaðaráætlunar. Verð með 2-3 80w T5 perur.

Ekki ódýrasta lokið í bænum, en kemur vonandi vel út og endist lengi.

Post by **keli** » 14 Aug 2007, 19:06

Splæsti í festae, dovii og lítinn gibba áðan. Myndi halda að búrið sé ansi nálægt því að vera pakkað hjá mér - Amk ef maður gerir ráð fyrir fullri stærð þessara skrímsla.

Post by **ulli** » 15 Aug 2007, 01:39

Hvað kostar dovii i dag ?....

Gudjon · Post by **Gudjon** » 15 Aug 2007, 16:48

rúman 2000 kall, en það fer náttúrulega eftir búðum

Post by **keli** » 18 Aug 2007, 18:46

Fékk efnið í lokið í gær. Endaði á að kosta 3200kr með skurðinum, 2000kr minna en þeir sögðu mér fyrst, og fullt af afgangi í einhver project seinna meir

Hér er draslið sem fer í smíðina:

Byrjaði á að mála bútana sem snúa inn með vatnsheldri málningu:

Svo byrja að púsla þessu saman. Eldhúsborðið er tilvalið í það! Fékk akvastabil t5 ljósastæðu ódýrt og festi þetta upp með vel nokkrum vel staðsettum skrúfum..

Smá föndur líka að gera þetta snyrtilegt þar sem ljósin bara rétt svo passa í lokið

Svona lítur þetta svo núna út

Ég stefni á að mála þetta að utan og innan í kvöld, en þarf eitthvað að pússa þetta til að utan til að þetta sé snyrtilegt. Svo get ég vonandi bara farið að nota þetta á morgun eða hinn...

Ég hendi kannski inn myndum af því þegar ég klára þetta á morgun og svo af þessu tilbúnu.. Ég er að vonast til að þetta líti ágætlega út þegar þetta er orðið svart.

Post by **Andri Pogo** » 18 Aug 2007, 20:53

já þetta virðist bara vera mjög smekklegt

Post by **Ásta** » 19 Aug 2007, 00:05

Í guðanna bænum komdu með sem flestar myndir því ég ætla að stela uppfinningunni þinni

(ef þér er sama?)

Post by **keli** » 19 Aug 2007, 16:42

Smá meiri myndir... Spreyjaði allt svart og setti svo glært lakk ofaná í von um að það geri það mögulegt að þrífa þetta.

Nýlakkað (enn blautt)

Veit ekki alveg með áferðina.. kannski maður máli yfir þetta með einhverri þykkri málningu einhvertíman til að losna við viðaráferðina... En þetta fær að vera svona til að byrja með allavega, ég vil fá þetta í notkun undir eins

Post by **keli** » 19 Aug 2007, 22:15

Tilbúið! (í bili)

Kemur bara allt í lagi út er það ekki?

Ég á eina ferð eftir í byko að redda mér einhverjum litlum listum til að það leki ekki svona mikið ljós út um rifurnar á "hurðinni", en annars er þetta bara reddí.

Post by **Ásta** » 19 Aug 2007, 22:19

Þetta er þrælfínt hjá þér keli, það nettasta sem ég hef séð að heimasmíðuðu loki.
Ef hjörin hefði verið höfð að innan, þá hefði þurft einhvern lista að ofanverðu til að fela rifuna, ekki satt?

Post by **keli** » 19 Aug 2007, 22:25

Jú, það var pælingin, að hafa hjarirnar utaná til að fela "sárið"... Mér finnst þetta ekki alveg nógu fallegt þannig að það getur vel verið að ég spreyji þær svartar, ég á afgang af spreyinu sem ég notaði. Kosturinn við að hafa þær utaná er að þá getur maður líka opnað "alveg" og látið hurðina liggja bara ofaná lokinu.

Svo held ég að ég myndi ekki spreyja þetta þegar ég geri næsta lok, amk grunna með einhverri þykkri málningu fyrst til þess að losna við megnið af viðaráferðinni og gera þetta aðeins sléttara. Færi samt eftir búrinu sjálfu og skápnum, viðaráferðin gæti alveg gengið ef skápurinn er í stíl.

Post by **Ásta** » 19 Aug 2007, 22:32

Ég hugsa að það myndi flagna af hjörunum við hreyfinu og yrði mjög ljótt.
Það er ekki svo slæmt að hafa þetta svona.
Viðaráferðin er ekki eins falleg og gljáandi áferð verksmiðjuframleidds loks en þetta venst örugglega ágætlega.

Ég ætla að fara að nuða í mínum karli að fara að smíða.

Post by **keli** » 19 Aug 2007, 22:39

Hjarirnar myndu líka líklega ryðga frekar fljótt ef þær væru inní lokinu... Nema maður veldi einhverjar fancy hjarir.

Post by **Ásta** » 19 Aug 2007, 22:43

Ekki hafði ég hugsað út í ryð

Það er þá eins gott að hafa ryðfríar skrúfur líka.

Post by **Andri Pogo** » 19 Aug 2007, 22:50

þú átt nú bara hrós skilið fyrir þessa smíð

mjög smekklegt.
mér finnst viðaráferðin flott en ég held það myndi kannski passa betur að hafa það áferðarlaust einsog ramminn.