Ancistrur með hrogn?

[Doppla]

Sæl öll þið fróða fólk!

Ég er með 60 lítra búr með 7 börbum, 2 ancistrum (held ég, allavega óskilgreindir ryksugufiskar sem ég keypti þegar ég setti upp búrið...) og svo vonandi einn lítinn dvergfrosk sem ég hef reyndar ekki séð í nokkra daga.
Allavega í fyrradag var ég búin að tak aeftir því að ég sá aldrei aðra ancistruna, allt í einu bara ein á ferð um búrið svo ég hreinlega hélt að hin væri kannski bara dauð einhvers staðar. Þannig að ég lyfti upp smá helli sem ég er með og fældi hina þá í burtu og sá hrúgu af hrognum þar. Ég skellti hellinum bara varlega aftur á sinn stað og það sem er væntanlega kallinn miðað við það sem ég hef nú lestið mér til um hvarf aftur þangað inn og hefur ekki sést síðan. Þannig að spurningar eru: ef hrognin ná að klekjast út, þarf ég að gera eitthvað sérstakt? Hvað með hitastig í búrinu (er með það í 25C)? Er ekki líklegt að blessaðir barbarnir mínir reyni að éta seiðin ef þau ná að klekjast út? Þeir eru svo ægilga gráðugir í allan mat sem þeir fá (þarf einmitt nánast að handmata litla froskinn til að hann fái eitthvað!)
Öll ráð vel þegin, væri gaman að sjá nokkur lifandi seiði út úr þessu...

Takk takk:)

[Vargur]

Það eru til margar tegundir af börbum, hvaða tegund ertu með ?
En miðað við að þeir eru í 6o lítra búri þá eru þeir varla að fara að gera ancistu seiðum neitt.
Það getur þó verið ágætt að hafa steina eða eitthvað annað í búrinu með þröngum glufum á milli þar sem seiðin geta leitað skjóls.

[Doppla]

Takk fyrir þetta. Ég veit ekki nánari deili á mínum börbum en að þetta eru gullbarbar og cherrybarbar, en hvort það segir þér eitthvað meira en litinn veit ég ekki;) Gullbarbarnir hafa stækkað slatta síðan ég fékk þá fyrir rúmu ári síðan (eða bráðum tveim) en cherry barbarnir eru alltaf svipaðir að stærð. Allir eru þeir ansi gráðugir í allan mat sem fer í búrið og átu svo grimmt frá froskinum að hann var orðinn nánast handmataður svo hann fengi eitthvað! Þess vegna datt mér í hug að þeir myndu alveg smjatta á litlum seiðum:)
Annars hef ég engin seiði séð ennþá en ancistru kallinn hangir ennþá inn í hellinum svo kannski er eitthvað að gerast... kemur allavega í ljós fyrr eða síðar
Svo er reyndar ein aukaspurning... nú er ég orðin nokkuð viss um að litli froskurinn minn sé bara horfinn yfir móðuna miklu... hef ekki séð hann í allavega rúma viku (birtist yfirleitt á nokkurra daga fresti og fékk þá mat, faldi sig undir drumb þess á milli). Þar sem þetta var orðið grunsamlega langur tími og hann kom ekki fram þegar ég set rækjur í búrið (uppáhaldið) þá lyfti ég drumbinum upp í dag og sá greyið hvergi og hef ekki séð tangur né tetur af honum... Getur svona "lík" bara eyðst upp á nokkrum dögum eða hvað??

Takk takk fyrir aðstoðina:)
Dopplan

[ellixx]

Ancistrur eru nokkuð fljótar að vinna á hræjum dauðra fiska og ervit getur verið að greina bein smára dýra í sandinum.
barbar eru frekar mikklir böggarar og ég hef séð barba og neontetru taka frá mér ancistruseiði sem var reyndar en með kviðpokann.
en þegar þau eru orðin svört og vel syndandi er þetta kanski ekki áhyggjuefni.
passaðu þig að lifta hellinum ekki upp ,láttu þau heldur koma út að sjálfum sér þá eiga þau meiri séns.

kveðja
Erling

[Elma]

Vil líka bæta við einu að froskar eiga að vera stakir eða með öðrum froskum í búri
og fiskar eiga að vera með fiskum í búri