Til sölu fiskabúr – Nano-reef sjávarbúr

[sveinnh]

Einkar fallegt nano-reef sjávarbúr til sölu. Búrið er 130L frá RedSeaMax og fullbúið fyrir sjávarfiska og hryggleysingja. Búrið er svart, stendur á svörtum skáp og er hin prýðilegasta mubla.Búrið er einkar fallega hannað með rúnnuðu gleri og öllum dælubúnaði og filtrasjón er komið haganlega fyrir í hólfi í aftanverðu búrinu. Ekkert snúrufargan eða tækjabúnaður sjáanlegur og auðvelt aðgengi til þrifa. Í Búrinu eru tvö powerhead, öflugur próteinskimmer og hitari. Lýsing er frá tveimur 55 vatta T5 perum sem stýrt er með innbyggðri tímastýringu.

Frekari útlistun á búrinu má finna hér: http://www.redseamax.com

Í búrinu eru sem stendur hrignandi par af trúðfiskum (A. percula) og hreinsivrassi (L. dimidiatus). Auk þess eru í búrinu fimm vænir sæfíflar (bubble tip anemone, E. quadricolor), nokkrir rauðir (red mushroom corals, Actinodiscus sp.) og grænir (Rhodactis sp. held ég) mjúkkórallar, og einhver slatti af polyps.

Allt heila klabbið er falt fyrir 120.000þús. Mér er mikið í mun að búrið og trúðarnir fái gott heimili svo helst myndi ég vilja selja þetta allt í einum pakka. Stakar bubble tip anemónur eru falar fyrir 10.000kr stykkið en aðrar skepnur fara aðeins með búrinu.

Áhugasamir hafið vinsamlegast samband gegnum tölvupóst á netfangið sveinnh@matis.is