Plexi vs gler búr - verðsamanburður

Post by **keli** » 01 Nov 2007, 17:58

Ég er að vinna í því að koma mér upp fiskabúrastæðu heima hjá mér, nokkur 110 lítra búr í einum rekka og með sameiginlegt filter kerfi.

Hringdi í hina þessa staði til þess að athuga með verð og þetta var niðurstaðan:
Búrið á að vera 84*40*35

Plexigler
Akron - 31,000
Plexigler ehf - 40.000
Fást - 19.000

Gler
Íspan - 4.500kr

Það skal taka fram að plexigler búrin myndi ég láta smíða fyrir mig en glerbúr myndi ég setja saman sjálfur og slípa sjálfur. Líklega einhver smá kostnaður þar sem ég myndi spara mér.

Þið getið kannski giskað á hvaða efni ég ætla að nota í þetta?

JinX · Post by **JinX** » 01 Nov 2007, 18:06

hvaða þykkt af plexý/gleri ætlaru að nota?

Post by **keli** » 01 Nov 2007, 18:10

Þeir vildu flestir nota 10mm.. Það var einhverjum 1-2þús ódýrara að nota 8mm.

Post by **Squinchy** » 01 Nov 2007, 18:10

Kostnaðurinn við að setja glerið saman væri bara silikon ef maður á allan annan búnað eins og Kíttis byssu, sandpappír og aukahlutir

Skil samt ekki þetta bilaðslega háa verð á plexi, trúi því ekki að það sé svona dýrt að búa þetta til

Gáðir þú ekki á verðinu bara fyrir plöturnar ?

JinX · Post by **JinX** » 01 Nov 2007, 18:15

ég hélt alltaf að plexý væri einmitt ódýrara efni en gler

Post by **Squinchy** » 01 Nov 2007, 18:16

Já sama hér, myndi halda að það væri ódyrara í framleiðslu heldur en gler

Post by **keli** » 01 Nov 2007, 20:22

Ég athugaði ekki verðið á bara plötum.. Maður þarf að hafa ansi góð tól til þess að geta skorið plexí, þetta þarf að vera alveg þráðbeinn skurður og fínerí..

Post by **Vargur** » 01 Nov 2007, 20:53

Ég ath þetta einu sinni og bara efnið skorið niður í mál var 3x dýrara en glerið.

Rodor · Post by **Rodor** » 01 Nov 2007, 22:12

Þá vitið þið það. Gler er eitt alódýrasta byggingarefni sem til. Verðið á hráolíu er að fara yfir $100 og þá hækkar plexíið enn meir.
Ég myndi velja glerið þó verðin væru sambærileg, vegna þess að það mattast og rispast ekki eins auðveldlega og plexiglerið.

Post by **keli** » 01 Nov 2007, 22:23

Ég hélt einmitt að plexíið væri ódýrara og var þessvegna að skoða það. Er svosem næstum því sama hvort efnið þetta yrði, ég vil bara hafa þetta sem ódýrast þar sem þetta á bara að vera inní kompu hjá mér.

Post by **Sven** » 01 Nov 2007, 22:50

Þetta er skandall! Bullandi fákeppni og verðsamráð

Post by **Vargur** » 01 Nov 2007, 23:11

Bónusplexy ?

Post by **keli** » 02 Nov 2007, 12:10

Hvaða glerverksmiðjur eru annars á höfuðborgarsvæðinu? Eina sem ég veit um er íspan... Og þeir eru með einhvern alveg meeeega langan afgreiðslutíma.

Hvað notið þið?

Post by **Andri Pogo** » 02 Nov 2007, 12:15

http://www.glerslipun.is/

svo er einhver hérna í hafnarfirði sem ég man ómögulega hvað heitir

Post by **Vargur** » 02 Nov 2007, 12:17

Ég hef alltaf verslað við Íspan og alveg alsáttur, góð þjónusta og viðmót þó maður sé jafnvel bara að versla eitt gler.
Afgreiðslutíminn hefur verið langur undanfarið, sjálfsagt sumartörnin, hlítur að hægast á þessu. Síðasta vetur fékk maður yfirleitt gler á 2-3 dögum.

Post by **Stephan** » 02 Nov 2007, 20:24

Það er litill fyrirtækni i Moso Glertækni ; http://www.glertaekni.is/
Þú gétur profa þar kannski er þau sneggari

Rodor · Post by **Rodor** » 02 Nov 2007, 20:31

Glerborg er í Hafnarfirði, Samverk á Hellu og PGV í Hafnarfirði/Akranesi.

Post by **Squinchy** » 05 Nov 2007, 09:16

Oftast er biðtíminn fólginn í slípun á glerinu, þú getur alveg slept því að láta slípa glerið, gerir það bara sjálfur með sand pappír

Piranhinn · Post by **Piranhinn** » 05 Nov 2007, 11:31

true, það er fljótlegra en maður þorir að halda að slípa með sandpappír.

Post by **Vargur** » 05 Nov 2007, 12:23

Það er ekkert mál að slípa sjálfur og heljarinnar sparnaður þar sem slípunin er stór hluti af verðinu.

Post by **keli** » 05 Nov 2007, 13:09

Þessi verð voru án slípunar. Ég hafði hugsað mér að slípa þetta bara með brýnistein eða einhverju svoleiðis.

Panta glerið á eftir, svo fæ ég það í næstu viku og get farið að smíða gúbbíeldi dauðans