Vargskompa

[Vargur]

Jæja verður maður ekki að sýna athvarfið eins og Keli og forsetinn.
Kompan mín er ekki nema 1.5 m2 en þó eru þar 900 lítrar af vatni.
Breiddin á kompunni er 90 cm og á veggjunum báðum megin eru alls 7 búr sem eru 60-200 lítar og eru tvö þeirra tvískipt.






Plássið er ekki nóg til að taka heildarmynd nema standa frammi á gangi.


60 l guppy búr og dolla fyrir humra.


200 lítra tvískipt sverðdragarabúr.


130 l uppeldisbúr, er með 2 svona.


180 lítra tvískipt búr


130 lítar Monster búrið, maður verður að vera með monsterbúr eins og Andri, sama tegund og allt. Reyndar tómt núna. Ég er með tvö svona búr.

[Rodor]

Eru þetta ekki uppeldisbúr hjá þér?
Er það ein loftdæla sem knýr loftið í öll búrin?

[Andri Pogo]

þetta er glæsilegt og vel nýttir fermetranir, já eða fermetrinn...
en það þýðir ekkert að vera með tómt monsterbúr

[Vargur]

Þetta eru bæði uppeldis og ræktunarbúr, reyndar eru öll búrin hálftóm því ég hef ekkert sinnt þessu undanfarið en ætla að fara að setja skurk í ræktina núna.

Það er ein loftdæla sem dælir í öll búrin, Rena 400 og hún dugar fínt í það.
Svo eru dælur í öllum búrum, aðallega Eheim Aquaball en það eru að mínu mati langbestu litlu dælurnar.

[keli]

Ágætis nýting að koma 900 lítrum fyrir... Ég er bara með um 360 lítra í rekkanum mínum


Drífa svo í að fylla þessi búr, setja einhverja sniðuga ræktun og uppeldi í gang.


Ég kann líka einmitt mjög vel við aquaball.. Þær eru bara aðeins í dýrari kantinum... Er dýraríkið ekki eina búðin sem selur þær?

[Vargur]

Já ég þarf að fara að fylla þetta, þetta gengur ekki, í sumarbyrjun voru öll búr stútfull en svo hef ég ekkert hirt nein seiði síðan þá.

Aquaball held ég að fáist bara í Dýraríkinu en gætu líka leynst í Dýragarðinum, Þetta eru snilldardælur, hægt að snúa hausnum á alla kanta og stilla kraftinn, svamparnir stíflast líka ekki við inntakið eins og á mörgum öðrum dælum og engin hætta er á að seiði sogist inn í dæluna.

[Vargur]

Nokkrar myndir af fiskunum.


Kuðungasikliðumamma passar seiði í kuðungnum, í kringum hana má sjá eldri seiði.


Sverðdragarapabbi og kerlur sem ég rækta undan.


Ungur gubby kk og eldri kvk.


Seglmolly kk.

[JinX]

ég vildi að ég hefði tíma fyrir svona mikið fiskastúss glæsileg aðstaða hjá þér