Nano

[Ásta]

Við félagarnir í Skrautfisk höfum lengi talað um að setja upp lítil búr og á seinasta fundi kom Herra Plexy með sýnishorn af búri sem hann smíðaði.

Ég var send með búrið heim og eftir að hafa þrætt fermingarveislur um land allt um helgina skellti ég mér í búrið (sko, skellti mér ekki sjálf í það... heldur dekkoreraði það )

Búrið er 15x15x30 að stærð.
Ég ætla ekki að hafa hitara eða dælu.


Búrið í upphafi.


3 bollar af sandi komnir í.


Steinar sem ég veiddi upp úr frontósubúrinu.


Ég fékk smið til að saga rót sem ég átti í tvennt og það tók hann smá tíma svo hörð var hún.
Litla plantan er anubias.


Ekki veit ég hvað hin plantan hetir en ég átti hana fyrir í öðru búri.

Ég er ekki alveg búin að ákveða hvaða fiska ég set í en hallast að einhverjum litlum dverg- eða kuðungasíkliðum.
Svo er spurning um að setja litla ancistru?
Hvað finnst ykkur?

Svo er ég að velta fyrir mér hvort ég eigi að fylla búrið með vatni úr öðru fiskabúri eða á ég að láta nýtt og ferskt vatn?

[Jakob]

Vá þetta er rosa fallegt hjá þér Ásta

[Herra Plexý]

Hehe filman er enn undir botninum......... Annars er þetta töff, er ekki málið 50/50 nýtt vatn og "notað" ?

[Ásta]

Æ, helv... filman... ég smelli henni af.
Jú, notað vatn, mér líst vel á það því ég ætla að setja fiska í á morgun.

[Brynja]

Mjög flott,
hvernig er það.. eru það ekki bara kaldvatnsfiskar og bardagafiskar sem þola búr án hitara, ljóss og dælu?

[Ásta]

Filman komin af

Þetta búr mun koma til með að vera við stofuhita, það er alltaf svo heitt inni hjá mér.

[Inga Þóran]

smart þetta verður spennandi verkefni hehe

[animal]

Man ekki betur en eitthvað þessu líkt hafi jaðrað við illa meðferð á dýrum hérna um daginn. En sá mikið af svona dóti á Interzoo, hægt að gera margt sniðugt

[Ásta]

Man ekki betur en eitthvað þessu líkt hafi jaðrað við illa meðferð á dýrum hérna um daginn.

Hvað þá, lítið búr eða enginn hitari/dæla?

Ég fór í dag í Fiskó og keypti 5 Iriatherina werneri sem er regnbogafiskur. Afskaplega smár og fallegur.
Ég hafði hugsað mér að setja litfagurt smásíkliðupar en kolféll fyrir þessum litlu gaurum.
Er búin að vera að djöflast með vélina og myndir á eftir eða morgun.

[Herra Plexý]

Man ekki betur en eitthvað þessu líkt hafi jaðrað við illa meðferð á dýrum hérna um daginn.

Það er ekki sama hver er.

[Gabriel]

Hvað með súrefnismettun í vatninu? Nú gárast yfirborðið ekki neitt fyrst að þú ert ekki með dælu og lítið magn af vatni í þessu búri, kafna fiskarnir ekki á nokkrum dögum?

[Ásta]

Er meiri hætta á að fiskar kafni í svona búri en kúlu?

[keli]

Stærra yfirborð í þessu búri en kúlu. Ætti alveg að vera í lagi svo lengi sem það sé ekki troðið if mörgum fiskum í

[Sirius Black]

Er þetta svona búr sem á að ganga sjálft án þess að það sé hugsað um það neitt sérstaklega eða?

[Bruni]

Sæl Ásta.
Mér líst vel á þessar framkvæmdir þínar. Gaman þegar fólk hefur það góða sjón að það getur verið með fiska í þessum stærðarflokki. Á reyndar nokkra sjálfur. Iriatherina werneri eru snilldarfiskar, friðsamir og fallegir. Ég efa samt að þeim eigi eftir að líða frábærlega vel í litla búrinu þínu. Þeir þurfa að lágmarki 23°c en eru eflaust friskari við 25-26°c. og í ögn stærra búri, 60 l. er ráðlagt sem lágmark. Hitarar og hreinsitæki eru til fyrir nano búr. Ég vil samt ekki "skjóta þetta niður" fyrir þér, þ.a. prófaðu og sjáðu til.

[Ásta]

Ég fór til augnlæknis fyrir ca. ári síðan og hann sagði mér að koma aftur þegar ég yrði fimmtug

Ég hafði ekki tekið eftir að þessir fiskar þyrftu svo stórt búr og var reyndar sagt að þetta væru fínir fiskar í svona lítið.
Þá hafði ég ekki hugmynd um að hægt væri að fá dælur o.þ.h. fyrir nano, er hægt að fá svoleiðis hér á landi?
Þeir eru sprelllifandi enn en eru dálítið upptrekktir, er það normalt?

[Ásta]

Nokkrar myndir úr búrinu, reyndist ekki auðvelt að ná almennilegum myndum. Ég reyndi hvítan bakrunn, bláan og engan.. anyway, hér er það skásta.

[Mozart,Felix og Rocky]

mér finnst Iriatherina werneri ekkert smá flottir fiskar ,, hvar er hægt að kaupa sér svona og hvað kosta þeir ? en rosalega flott búrið hjá þér

[Inga Þóran]

þetta kemur þrælvel út ásta

[animal]

Nú skil ég afhverju þér fannst þeir fölir

[Gudmundur]

Gaman að þesu búri Ásta
ég hefði þó ekki valið þessa tegund í búrið þar sem þeir þurfa meira öryggi og hita til að sýna sínar bestu hliðar en vonandi verða þeir happy hjá þér

[Ásta]

Það má vel vera að ég færi þessa fiska í nýtt búr eftir páskana, Bruni kveikti á nýju kerti hjá mér.
Annars er ég að fára úr bænum núna og óska ykkur öllum góðra páska.
Það mun ekki væsa um fiskana, þeir fá að éta daglega.

[Ásta]

Það er allt sprelllifandi í búrinu enda hafa þeir fengið að éta daglega og eitthvað hefur verið skipt um vatn

[Ásta]

Tók fiskana úr búrinu í dag og setti í 30 l. Tetra búr sem ég keypti.

Ég ætla að sjá til hvort/hvað ég fæ í þetta búr eitthvað sem þolir svalt vatn.

[naggur]

flott ávaxtaskál hjá þér. kannski að skella þeim í vatn og sjá til hvað kemur úr þeirri ræktun :P annars er jói í fiskhóst með bumblebee gubby þeir eru hentugir í hálfsaltvatn. hvað þeir kosta man ég ekki alveg en einhvað í kringum 1000 kallinn.

það sem ég er búinn að lesa mig til um hann er að þeir eru ekki með "sundmaga" þannig að hann er skriðkvikindi :lol: :lol:

heyri í þér í vikunni :wink:

[Ásta]

Ég var að tala um svalt vatn ekki salt