T5 ljós

[Pippi]

Veit einhver hvar ég get fengið perur í Juwel 400 l búr.
Þær eru ekki til í Trítlu og ekki í fiskó.
Ég er að verða pirraður á að vera með ljóslaust búr

[gudrungd]

Ertu að leita þá að Juwel perum? Það er nánast ómögulegt að fá neitt í Juwel ljósin núna. þú getur fengið aðrar tegundir af T5 perum og ég hefði haldið að 54w T5 frá öðrum framleiðanda ætti að passa? Taktu með þér peruna til að vera viss!

[Pippi]

Já oki, enn hvar fást aðrar T5.
þessar í juwel 120cm á lengd og er 54W, þessar t5 perur í juwel.

[gudrungd]

Ég er svo meðvirk að ég er við það að hringja fyrir þig í fiskaverslanirnar. Ég er með 2 Juwelbúr, 180 Rio og 70 Rekord og ekki einustu Juwel peru. 54w T5 pera ætti að vera stöðluð lengd þó að Juwel gefi upp 120 cm og t.d. Silvania Aquastar sé gefin upp 115 cm. Ég myndi hringja í Fiskó eða Trítlu af því að þau hafa verið að selja Juwel búrin og spyrja hvort þú getir ekki notað aðra gerð að 54w T5 perum og hvort þau eigi hana til. Fiskó er t.d. með mikið úrval af perum.

[gudrungd]

Ég var að fatta hvar þú ert á landinu! Þú getur jafnvel fengið T5 peru í venjulegri byggingavöruverslun (veit ekki hvernig þetta er á Króknum) en það er þá bara venjuleg flúrpera en ekki fiskabúrspera. Kemur sennilega mest niður á gróðri ef þú ert með hann.

[Pippi]

Jamm, það er einmitt gróðurinn sem ég er að spá í.´
Enn þetta er samt víst eitthvað afbrigðileg lengd á perunum í búrinu.
Var ekki til á rafmagnverkst hérna.

[eyrunl]

panta á netinu myndi þá helst panta frá UK eða DK


http://www.juwel-aquarium.de/en/myjuwel.htm

[keli]

Perur eru ekki alveg bestar í flutningum á milli landa, sérstaklega ekki í þessari stærð.

54w HO T5 er standard stærð og er eflaust til í dýragarðinum. Byggingavöruverslanir eru venjulega ekki með HO T5 þannig að það gengur ekki. Getur líka athugað með flúrlampa í hafnarfirði.

[eyrunl]

allar perur eru fluttar inn... og vanalega er trygging ef peran brotnar þá færðu nýja... en all right bara að benda á einn valmöguleika

[gudrungd]

Ég reyndi að panta spegil fyrir litla Juwel búrið mitt frá aðila í Bretlandi sem hefur algerlega séð mér fyrir filterum og öðrum varahlutum, þeir fengu spegilinn endursendann og endurgreiddu mér af því að það þurfti að borga ca. 10x meira fyrir sendinguna vegna löguninnar, gildir örugglega það sama um 120 cm peru!

[Pippi]

Ég er ekki að nenna að fara að panta á netinu af því að mér vantar perur og það helst í gær
Enn það komst við sending á seinasta föst með Juwel dóti,magnað að það skuli ekki vera komið neitt í verslanir ennþá.
Það hlýtur að vera til í því, ég fékk ljósastæði úr þessari sendingu á mán.
Enn það klikkaði eitthvað hjá þeim, að láta mig fá perur í leiðinni.
Mér finnst þetta taka svoldið langan tíma að koma í verslanir, enn það getur vel verið að það taki vanalega svona langan tíma, þekki ekki þetta ferli.

[gudrungd]

Ef einhver er hreinskilinn við þig þá er stór vesen með innflytjandann á Juwel þessa síðustu mánuði (sorry, Guðmundur, þekki þig ekki svo að ég hef engra hagsmuna að gæta!) og þjónustan er í algjöru lágmarki. Ég vona að þetta standi til bóta vegna þess að mér finnst þetta fín búr.

[Pippi]

Guðmundur, var hann ekki hættur með umboðið, þetta var alveg í topplagi þegar hann var með þetta.
Getur ekki verið að hann heiti Eiki sem er að flytja þetta inn, mig minnir að það hafi verið nafnið sem að ég heyrði, þegar ég lenti fyrst í veseni með juwel búrið mitt.
Enn þetta er alls ekki nógu góð þjónusta með þetta Juwel.
Ef maður þarf að bíða í marga daga eftir að fá perur þó að þær séu til í landinu hjá honum.

[gudrungd]

Hann hætti með búðina, þá fór allt í flækju! þetta er eitthvað loðið með hver er með umboðið og hver er með innflutninginn. Það er enginn tilbúinn að "ræna" umboðinu þar sem allir þekkjast vel hérna í bransanum!

[pípó]

Hvernig er það er ekki Trítla með umboðið núna ?

[Arnarl]

jú ég hélt það, Guðmundur sagði það við mig þegar ég var niðrí fiskabúr.is eða að Trítla seldi aukahluti í juwel búrin.

[eyrunl]

trítla fékk afgangana frá fiskabúr.is helduru að þeir séu að panta eitthvað sérstaklega inn?...

[gudrungd]

Hemm......... Nú segi ég þetta eins og ég hef fengið/skilið upplýsingarnar. Ég verð örugglega sett á svartan lista allstaðar! Guðmundur vísar á Trítlu sem söluaðila en sér ennþá um innflutning. Trítla fékk gamlan lager frá Guðmundi án þess að fá verð á vörum og gat þarmeð ekki selt! Síðan fær Trítla það sem Guðmundi finnst þörf á/dettur í hug að panta seint og illa, mér skilst að það hafi átt að koma sending í apríl. Ég er búin að eyða þó nokkuð mörgum símtölum í að reyna að finna varahluti og sumt hefur verið til og annað ekki.

[Pippi]

Nei, í rauninni er enginn með umboð fyrir juwel.
Það var alltaf sagt að trítla væri með umboð, því að hún fékk allt dótaríið sem að var eftir í fiskabur.is
Enn ég spurði þau í trítlu í dag hvort þau væru ekki með umboð, ekki vildi hún meina það.
Ég keypti mitt búr t.d í Fiskó, það er oft basl hjá þeim, því þeir eru alltaf að bíða eftir þessum Eika sem er að flytja Juwel dótið inn.
Ég lenti í tómu rugli með Juwel bakgrunninn sem að ég keypti og svo var ljósastæðið gallað í búrinu hjá mér.
Enn hver sem er að flytja þetta inn mætti hafa hraðari hendur við að afgreiða pantanir, því er slatti af fólki farið að bíða eftir vörum frá þeim.

[Squinchy]

Færð þetta fyrir lítið hjá www.Flurlampar.is eða www.volti.is

[Pippi]

Já þær eru sko mikið ódýrari þarna á þessum stöðum, enn þeir eiga samt ekki til perur fyrir gróður.
Enn ég ætla að fá mér þá bara 2 daylight þangað til að ég get orðið mér útum Nature peru.

[keli]

Þú þarft ekki akkúrat peru sem er hönnuð fyrir gróður. Ef þú bara kaupir peru sem er 4500-6000 kelvin þá ertu góður fyrir gróður.

[Pippi]

Nú oki, þakka þér fyrir það.
Ætla að hringja og chekka á því hvort að það sé ekki til.

[Pippi]

Miða við allt bullið þá held ég að það sé ekki hægt að fá perur í þessi búr nema orginal.
Ég hringdi í Flurlampa og þeir áttu ekkert til, svo hringdi ég í Volti og þeir segjast eiga þetta, ég sendi tengdó til að ná í perurnar.
Svo næ ég í þær á flugvöllinn og viti menn, þær voru 115 cm enn ekki 120 cm eins og ég margsagði þeim í Volta.
Shitt hvað ég var svekktur, magnað að fólk viti ekki hvern skrambann þau eru að selja.
Svo er ekki hlaupið að því að fá orginalperu í búrið, vika síðan gámurinn kom til landsins og ekki nein búð kominn með neitt.

[gudrungd]

Það ætti einhver að vera hjálplegur og láta þig (og okkur hin) fá símann hjá Guðmundi og/eða Eika sjálfum (ég held að ég skilji sambandið þeirra á milli en ekki til að útskýra það). Það myndi gera okkur öllum Juwelistum mikinn greiða. Juwel er einn af risunum í fiskabúrabransanum, allir aukahlutir eiga að vera auðveldlega fáanlegir en þjónustuaðilinn hér virðist búinn að gefast upp án þess að gefa umboðið eftir til einhvers sem getur tekið við. Bara filterar í dælurnar eru orðnar stórmál.

[Pippi]

Það var einmitt sem Vigdís í trítlu sagði við mig.
Það er kominn langur listi hjá yfir fólk sem vantar dót í Juwel.

[Sirius Black]

vika síðan gámurinn kom til landsins og ekki nein búð kominn með neitt.

Kannski hefur hann verið fastur í tollinum í einhvern tíma eða þá að það sé bara ekkert byrjað að senda út. Maður hefði kannski skilið þetta ef að gámurinn hefði komið fyrir mánuði eða álíka Tekur allt sinn tíma að setja inn á lager og skrá allt og svo senda í búðir, þekki þetta mjög vel kannski ekki með fiskavörur en með annað.

Annars er leiðinlegt hvernig fór fyrir Juwel eftir að fiskabúr hætti en vonandi fer þetta að komast í lag enda nær annarhver maður með Juwel búr
En núna get ég verið ánægð með mitt akvastabil enda hægt að fá auðveldlega (held ég) varahluti í það enn og verður örugglega svoleiðis með Juwel líka eftir smá tíma vonandi. En samt með perurnar er það galli hjá Juwel að vera ekki með staðlaða stærð, eins og þeir vilji að fólk versli bara sérstakar perur frá þeim í búrin og er það nú ekki að bæta ástandið.

Leiðinlegt að vera á þessu litla skeri og vera upp á eina dýrabúð komin upp á vörur liggur við og erfitt að fá hana neinsstaðar enda þarf það að fara í svaka langferð hingað.

En hvernig er það mega engar aðrar dýrabúðir flytja inn Juwel vörur nema fiskabúr? Svona af því að Fiskó er að selja þessi búr en enga varahluti, væri asnalegt ef að þeir mættu svo flytja inn

[Squinchy]

Juwel risi og ekki risi, ekkert svo vinsælt í Us, virðist vera einhver bóla hér lendis sem ég fatta ekki en mikið er það asnalegt og lélegt að það þurfi sérstakar perur í þessi búr

"Bara filterar í dælurnar eru orðnar stórmál." það eru t.d. til juwel filterar upp í dýralíf grófir og fínir

"En hvernig er það mega engar aðrar dýrabúðir flytja inn Juwel vörur nema fiskabúr? Svona af því að Fiskó er að selja þessi búr en enga varahluti, væri asnalegt ef að þeir mættu svo flytja inn"

Má alveg, þær búðir sem eru bara ekki að selja juwel sjá ekki tilgang til þess að pannta þessa varahluti en annars hefur dýralíf aðgang af flest öllu juwel dótinu og kanski hægt að sér panta hjá þeim (aðalega á laugardögum)

[FiskaFan]

En að ath hvort Vargur eigi kannski svona perur í netversluninni?
Hann á sjálfur 400l Juwel búr og mér finnst mjög líklegt að hann viti hvar er hægt að fá perur í þau

[Pippi]

Ég er búinn að fá skýringu á þessu afhverju þetta er svona lengi að koma í verslanir.
Eiríkur sem flytur þetta inn er útí þýskalandi á fiskasýningu, og gámurinn kom bara rétt áður enn hann fór út.
Svo svona fyrir þá sem eru einnig að leita sér að perum í Juwel búr, þá er bara hægt að nota orginal perur.
Magnað t.d þetta rugl hjá Volta, ég hringdi í morgun og gáði hvað væri í gangi, ég spurði hvort þau ættu peru sem væri 120cm á lengd og þau sögðu já, enn svo hefði komið pera sem að væri ekki nema 115cm.
Þá segir gaurin að þetta sé einhver afbirgileg stærð og þau hafi aldrei átt hana til, og þetta var sami maðurinn sem ég talaði við í gær.