Ég er að vesenast með 200ltr búr sem inniheldur að mestu guppy (ca 20 stk, +/- 5). Langar að leita til ykkar sem meira vitið og eruð mér fróðari
Ég var að óska eftir tunnudælu hérna á spjallinu, er núna með dælu sem er ofan í búrinu, dælir 400ltr/klst. (er það kannski nóg?). Það er enginn hitari í búrinu, en ég óskaði einnig eftir svoleiðis því við hver vatnsskipti lækkar hitastigið svo mikið og er lengi að ná því upp aftur. (fiskarnir eru samt hraustir og er búinn að fá einhver got, ca 40-50 seiði sem voru ekki étin.)
Ég hef skipt um ca. 1/3 af vatninu 1x í viku (set kalt kranavatn útí því ég veit ekki hvort það sé óhætt að setja heitavatnið hérna með (er við Hellu)).
Núna upp á síðkastið hefur vatnið í búrinu orðið ansi gruggugt og finnst mér það lítið batna á milli vatnsskipta. Þetta er væntanlega einhver þörungur eða slíkt því ég gætti mín ekki á því að sólarljós hefur skinið á búrið af og til. Úr því hefur þó verið bætt núna.
Ég er með nokkrar spurningar varðandi þetta búr:
- Ef ég er með tunnudælu, hreinsar hún vatnið betur svo að "gruggið" minnkar (ásamt því að ég hindra sólarljósið).
- Er mér óhætt að setja hitaveituvatn í búrið, eða borgar sig að vera með hitara og setja bara kalt vatn (eins og ég hef alltaf gert hingað til).
- Er með tvær kerlingar sem eru duglegar að verða bústnar ("óléttar"), en ég er ekki viss hvenær þær gjóta - hvað er óhætt að hafa þær lengi í svona "fljótandi fæðingardeild" (það er svo lítið sundpláss finnst mér, hvort það sé í lagi?). Er svo með 30 ltr búr sem ég ætla að nota til að ala seiðin upp.
- Má skipta um meira en 1/3 af vatninu vikulega, hefur það kannski ekkert upp á sig?
Með von um góð viðbrögð.
Mbk.
Gulli.
